The Fragrance of Love
🍓 အပိုင်း 13 🍓
ရတု ကားပါကင်ထိုးပြီးတာနဲ့ သားလေးရဲ့လက်ကိုဆွဲကာ Plaza ထဲသို့ ၀င်လာခဲ့သည်။
"ဖေဖေ သားသားလေးတို့က အခု
ဘာသွား၀ယ်ကြမှာလဲဟင်.... "
"ဖေဖေမနက်ကပြောတဲ့ နာရီသွား၀ယ်မလို့လေ သားရဲ့ ..... ပြီးရင် မေမေနဲ့ သားသားအတွက် အင်္ကျီလှလှလေးတွေလဲ သွား၀ယ်ကြမယ် .... "
"မေမေအတွက်လဲ ပါတာလား ဖေဖေ... "
"ဒါပေါ့ မေမေအတွက်ပါ ဖေဖေက ၀ယ်ရမှာပေါ့ သားရဲ့ .... "
"ဖေဖေက မေမေ့ကို ဘာလို့၀ယ်ပေးမှာလဲ....ချစ်လို့လားဟင် "
သားက မေးတော့ ရတု လျှို့၀ှက်စွာ ပြုံးလိုက်ပြီး သားလေးကို ငုံ့ကြည့်လိုက်သည်။
"သားက ဘယ်လိုထင်လို့လဲ .... "
"သားသားလေးကတော့ ချစ်လို့ ပဲလို့ထင်တယ်ဖေဖေ ... သားသားလေးကိုဆိုလဲ မေမေ့အသိသူငယ်ချင်းတွေက ချစ်လို့ဆိုပြီး တစ်ခါတလေကျရင် အင်္ကျီ၀ယ်ပေးတယ်လေ......"
သားပြောတာလေးကို သဘောကျလို့ ရတု
ဟက်ဟက်ပက်ပက်ရယ်လိုက်မိပြီး သားကို ပွေ့ချီလိုက်သည်။
"အဟွန်းဟွန်း ဟုတ်တာပေါ့ ဖေဖေ့သားလေးပြောတာမှန်တယ်.... ဖေဖေက မေမေ့ကို ချစ်လို့ ပိုးကြေးပန်းကြေးအနေနဲ့ လက်ဆောင်၀ယ်ပေးမှာ ...... "
သားက သူပြောတာကို သဘောကျပြီး
ခိုးခိုးခစ်ခစ် ပြန်ရယ်သည်။
သားနဲ့ ရတု နာရီဆိုင်လေးကိုအရင်၀င်ပြီး ကလေးနာရီလေးတွေထဲမှ သား ကြိုက်ရာကို ရတုရွေးစေသည်။
သားကြိုက်တဲ့နာရီလေး တွေ့သွားပြီဆိုမှ ထိုနာရီလေးကိုယူပြီး ငွေရှင်းကာ ရတုတို့သားအဖ နာရီဆိုင်ထဲမှပြန်ထွက်လာကြသည်။
ထို့နောက် သားနဲ့ သူနဲ့ အင်္ကျီ၀ယ်ဖို့အတွက် အင်္ကျီဆိုင်ကြီးတစ်ဆိုင်ထဲသို့ ၀င်လိုက်ကြသည်။
ထိုဆိုင်က ကြီးလဲကြီးသလို အမျိုးသား၀တ် ၊ အမျိုးသမီး၀တ် နဲ့ ကလေး၀တ် အကုန်အစုံရှိပြီး အမျိုးအစား တော်တော်လေးစုံသည်။
VOCÊ ESTÁ LENDO
🍓 The Fragrance Of Love 🍓
Romanceအချစ်ဆိုတာကို ပုံမဖော်နိုင်သေးခင်မှာပဲ သူမနဲ့သားလေးက ကျွန်တော့်ဘ၀ထဲ ၀င်လာခဲ့တယ် ❤️ အခ်စ္ဆိုတာကို ပုံမေဖာ္ႏိုင္ေသးခင္မွာပဲ သူမနဲ႔သားေလးက ကြၽန္ေတာ့္ဘ၀ထဲ ၀င္လာခဲ့တယ္ ❤️
