مرت الشيخ ماجد

البارت 13

بقلمي ... عسل صفاء ....

هيج التفت والگاك يم باب اهلنا

العن كلمن كال مابيه محنه

..........................................

ماجد .. جمان نوشيني الخاولي بابا من يمج
جمان مو داحجي وياج
جمان
لبست هدومي وتبللن بسببها وطلعت باوعت بالغرفه ماكو شنو هاي اني مو كتلها لا تنزلين اريدج استغفر الله ناويه تجلطني ياله ترتاح .. بدلت هدومي و نجطلت على الفراش اجه بالي الشغل صار يومين مرايح بحجه اجازة وداعقد كلت اتصل بيهم اشوف شكو ماكو كمت دورته بالغرفه ماكو شنو هاي وين ...  

ودته اخاف اخذاته وياها شلون شغله ياربي رحت للباب مال الغرفه حتى اصيحها تنطينا تقربت وجان اشوفه مشمور بالزاويه هاي شنو حتى الشاشه متفلشه داكول ليش منهزمه اثاري مسويه مصيبه فتحته اشتغل كلت همزين رحت اتصل على الشغل حجيت وياهم شويه و سديته مالي خلك دوختهم دخلت اشوف الرسائل واجاوب لفت انتباهي رقم هاذا مجان موجود من قبل شنو الموضوع دخلت ..ظليت صافن هاي شنوووو من كل عقلها هاي عفيه ناس ماعدهم كرامه حضرتها وسديت التلفون درت وجهي حتى انام ومر طيف جمان ... لا با الله بس لا شافتها هاي شراح يفهمها هسه كمت لبست بجامه وتشيرت ونزلت بسرعه اسأل عليها مثل لمخبل بس كالوي مو هنا ضليت صافن يربي شسوي هسه هاي شيقنعها  صعدت لبس دشداشتي ونزلت رحت لبيتهم دكيت الباب شويه وطلعت هاجر دفعتا وصعدت مثل واحد ضيع شغله مهمه وراح يلكاها بهاذا المكان دخلت للبيت بسرعه فتحت كل الغرف على امل انو الكاها موجودة صعدت بطابق الثاني فتحت الباب ماكو احد ضليت متدودة ماعرف اوصف شعوري لو وصفت جان كلتو يبالغ بس هاذا حال العشق او الهيام بشخص تتنفسه .. صعدت هاجر ورايه جان تكول

ـ هاجر.. اذا ددور عليها فهيه من جتي لحد الان بالحمام تستفرغ وتبجي اسالها شبيج مجاوب

ـ ماجد.. لاله اله الله .. كعدت على قريولتها وحطيت راسي بين ايدي وافكر شلون راح اخلص روحي من هل ورطه هاجر عافتني ونزلت بقيت تقريبا ربع ساعه ونفتحت الباب رفعت راسي عليها ووووووووو.....

:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠:٠

عبد الله .. من اخر روحه الهم واني كضيتها بالمزرعه ما رجعت للبيت حته ما افكر بشي يلهيني عن عيونها لحد الان اتذكر الشال والوردي الي ضوجها ومتكدر تلفه و نضراتها وخجلها .. بيومها جنت كاعد بالبستان وجان يدك التلفون باوعت عليه هاذا رقم الشيخ صالح جاوبته وبعد السلام والترحيب عرفت انو همه موافقين و ما عندهم اعتراض
فرحتي بهاي الحضه متنوصف بسرعه شكرته وحددت موعد المشيه وسديت التلفون .. كمت سغلت الفحم على المنقله حتى فد مرة اخدر جاي وعمر نركيله ضليت بالعصه احرك الفحم .. كمت بسرعه سحبت التلفون واتصلت بماجد

ـ السلام عليكم

ـ وعليكم السلام .. ياوليي شعجب ذكراتنه

ـ ههه والله بعد تدري مشاغل الحياه

ـ اييي كتلي مشاغل الحياه والله الصاحب الوفي متلهي مشاغل الحياه

ـ اي والله حقك على راسي يابه ان شاء الله احنه اهل وما بينه هاي السولف

ـ ان شاء الله ايي صحيح تعال اكلك سمعت خاطب بت عمي صدك

ـ ايي والله بعد حبينه ناسبكم

ـ عمي بس اشر كبعها واخذها

ـ رحمه لو الديك متقصر ولو هما بناتكم نوزنهم بذهب

ـ اشكرك اشكرك بعد بعد اصبغ ترة منطيك

ـ انجب لك والله مصدك روحك

ـ هااااا هيج لعد ولي عندي شغل

ـ لا لا دقيقه وينك اريدك بشغله

ـ هااا لعد شكلنه مو اني اعرفك مصلحجي

ـ ههه دسمعني هسه جدك خابرني وانطاني الموافقه وحددنه اليوم الي نخطب بيه بس هسه شريد منك

ـ شتريد

ـ رقمها

ـ منو

ـ رقمها هيه

ـ منيه هيه

ـ بت عمك

ـ بت عمي وتكولها بوجهي ايا متستحي اشوو ولي يله

ـ انطيني الرقم وبعدين ولي

ـ شتنطيني

ـ هسه احولك فلوس

ـ اشو حول خلي اشوف

ـ اكول نجب شايفني زوج اني واصدك بيك

ـ شوف عزيزي من النهايه ما الك حجي وياها لحد متعقدون

ـ لك بابا اهلك موافقين وحدنا يوم بعد شكووو

ـ اي مو اصلن بت عمي ما عدها تلفون

ـ هااا اي دكول هيج من البدايه يله ولي بس من كتلكم بناتكم ينوزنون بذهب مجذبت

طوط طوط طوط .. سديته بوجهه وكمت اضحك عليه بسرعه دز (ايااا سرسري )

+_+_+_+'+_+_+'+_+_+_+_+_+_+_+_+_+_+_

عذراء.. اكيددد عرفتوني صح .. عمري 22 سنه لحد الان ممزوجه لا انتضر ماجد من جنه صغار احبه ومتعلقه بيه ومحد يدري بحبه غير امي لو يمكن عيوني فاضحتني قبل من جنه صغار جنه نلغب نضحك سوة نشاقه وطفولتنه خلوة لحد ما اجت جمان بيومها اخذت مني كلشي حلو بحياتي الجمال والدلال والعز والحب واهم شي كلب ماجد الي اني مكدرت اكسبه جنت اضربها وما زلت بس من غيرتي وحقدي احسها متستحق والمفروض اني بدالها مو هيه اكرها بحيث اشوف دم سنوني ولا اشوفها من يوم ما صارت اخر عركه بيه وبينهم واني حلفت لخليها تندم على كلشي من يومه كعدنه نقرر ونخطط .. وبيوم من الايام رحنه اني وامي لسماوة بيت خالي انزورهم هناك وجان اشوف ابن خالتي هاذا واحد سرسري زايعته الكاع كل سولفه مكسرة جنه كاعد نتعلل ودخل سلم علينه ونضراته ابد مو راحه اليه وبهاي الحضه طخت بالي وكلت ليش لا نسويها واخليها تمشي و تجر بشعرها مثل لمخبله هاي اذا متبرو منها العشيرة وهدرو دمها ووووووووو

•~•~•~•~•~•~•~•~•~•~•~•~•~•~•~•~•~•~•~•

‏نصيحة :
" احتفظ بالذي يختارك دائمًا
حين تكون لحظاته مليئة بالآخرين "

كل عام وانت بخيرر ترقبو الاحداث