للكاتبه: عسلايه
صفق بحرارة لمن علمك القسوة...ثم اصفعه لتذكر انك تعلمت♕
جبر
الساعه 2:45... البيت مشغول بالغدا كاعد بالديوان الداخلي بالبيت ويه جدي وعمي فاروق وباقي عمامي بغرفهم وبيت عمي صفاء ملتهي بيته يرتبو لان شالو هاذا الاسبوع بعد متحسنت جمان صح بيتهم بصف بيتنه بالضبط بس احس صارت فجوة بداخلي من اشوفهم ماكو وخاصه هاجر جنت خال كل امالي انو من ارجع راح تبقى كبالي اله هيه ماطولت 3 ايام وشالو واني ضليت الوب عليها... رغم جان عمرها صغير ميتجاوز 15 سنه بس جنت احس بعدها ماواعيه على حبي الها بس الصدمني انو طلعت تحبني لدرجه مجنت متخيلها ابد مانسه وكفتها كدامي بهذاك اليوم الي كرهت نفسي واني اشوفها تشانغ وتبجي صح جنت اناني لدرجه وكلت هيه فترة ومن ارجع اصالحه او اصالحه اول ماوصل ونضل على تواصل بتلفون امها لكن الصدمه باخر مكالمه بيني وبينها واني اذكرها كلمه كلمه تكوله وتحاول ماتبجي حته لا تبين ضعفها مدامي كرهت نفسي الف مرة واني اسمعها تكول من اليوم اعتبرني اختك وبس ماريد منك لامكالمه واخبار ولا اىيد اسمع باسمك... ماعرف شلون خلصت 6 سنين ورجعت بس هيهات هيه كلها 3 ايام واختفت حته ماشفتها وعود رحت اساعدهم بالغراض ولاشفتها ولا طلعت كبلي ابددد سالت جمان كالت كاعد تعدل بالغرف بس الصدمني من جمان وهيه تكلي ارجوك لخاطر خوتنه ابتعد عنها ولا توصل يمها ابد هسه هيه مو بحالك بعد الي سمعته... مع العلم هيه تعرف درجه حبي الها.....
نرجع للواقع وننسه الماضي........؟
كملنه غدة وكاعد نشرب چاي سمعت جدي يتحمحم يعني ينوي يحجي
الشيخ صالح: احم احم بويه جبر اسمعني وهاي كدام الكل
جبر: عدلت كعدتي. امر شيخ
الشيخ صالح: مايؤمر عليك ظالم بس حبيت اكلك انو انته كبرت و كملت دراستك وبعد چم يوم تتعين وتخلص وصار لازمك زواج
جبر: بابتسامه اي صح
الشيخ صالح: واني فاتحت الشيخ حمدان باحفيدته ود حته اخطبها الك
جبر: شنووووو اي بس اني رايد هاجر بت عمي صفاء وانته تدري
الشيخ صالح: لابت عمك انساها صح انته اولى بيها من الغريب بس لا تفشلني ويه الشيخ حمدان و حفيدته خوش بنيه النسون كلها تمدح بيها
جبر: جدي الله يخليك انته بالسانك كلت انه اولى بيها من الغريب زوجه الي ولد غيري
الشيخ صالح: بس اني ماعتمد بس عليك ترفع راسي
جبر: اي بس البت هاويها وانته تدري
الشيخ صالح: خلص يجرالك لتريدة وان جان على البت فراح ازوجها لعلي
أنت تقرأ
مرت الشيخ ماجد
Roman d'amourالقصه خيال 100/100 تتكلم عن الحياه العشائر وعاداتهم وتقاليدهم عن النساء والضلم الي يتعرضو بسبب عدم احتواء المرأة وتحكمهم بحياتها هل يشئ القدر ان يكتب لطفلاتان حياه جميله بعد ضلم واجبار ونبوذ ........ (مًرتٌـ أّلَشُـيِّخِـ مًأّجّـدٍ ) حبايب اريدكم ت...
