بقلمي ... عسل صفاء ...
لمن اشوفك بالحلم ماودي عيني
تنفتح لمن تبتسم مايبقه بيه ولا
جرح وشما يمر بينه الوكت نبقه
سوة رغم المحن وحنا مثل دجله
وفرات بالگرنه لمن يلتقن ...
................ بصباح حلو وباجواء الشتاء الباردة ساعه تقربيه 5:30 واكفه باشباك المطبخ احضر اكل وعيني على سيارة
ماجد منتضرته يطلع حته انطيه اكل ويا لطريق شفت الباب انفتحت رحت بسرعه جريت الچاكيت مالتي وطلعت اركض باتجاهه ....
جمان.. حبيبي
ماجد.. صباح الخير (بابتسامه)
جمان.. صباح النور ياحلو
ماجد.. ههه شنو هل النشاط من الصبح يابه معرفناج
جمان.. كعدت على مودك اريد اودعك وانطيك هاذا الاكل تاخذة وياك لان ادري بيك تطلع ممتريك
ماجد.. ويلي يابه اكو كومه مطاعم على الطريق
جمان.. مايخالف اخذة وياك
ماجد.. جيبي حبيبي ممحتاجه شي
جمان .. سلامتك ياروحي
ماجد .. هاج هاذا المصرف اخاف تحتاجين شي
جمان .. حبيبي افلوسك الي انطيتنياها اول الباحه مصرفت منها شي وهنا هوايه فما محتاجه
ماجد .. ميخالف ياويلي اخذيها ضميها يمج
جمان .. تمام
ماجد..(بستها براسها) يله يابه اتوكل ديري بالج على روحج
جمان.. ماشي حبيبي الله وياك بس توصل دك عليه
ماجد.. ان شاء الله ياله دخلي جوة لا تبردين
جمان .. ماشي
دخلت بسرعه نزعت چاكيتي ورحت لغرفتي مديت راسي من الشباك شفتحه طلع من البوابه مال القصر ظليت اباوع على الشارع والهوا البارد يضرب بوجهي لحد مسمعت صوت هاجر
تصيح ...
هاجر.. ولج جمان سدي الغضب ثلجنه يولي
جمان .. سديته.. سديته شبيج داخل جوة ثوبج نار
هاجر .. اني لو داخل جوة ثوبي نار اكلج سدي الشباك باردة
جمان .. زين كومي شعندج نايمه خلي نختار هدوم العزيمه
هاجر .. (بتعب) ليش ساعه بيش هسه
جمان..6:10 الصبح ليشش
هاجر.. خرب بيومج لعد شكو ادبجين مثل الحصان اريد انام
جمان.. نامي ..نامي اني صوچي حجيت وياج
اتلفلفت بالبطانيه وظليت العب بالتلفون مال امي شويه شويه عيوني بدت اتغوش من النعس الجو جان بارد والغرفه دافيه وضلمه ومابيها غير الضوة الاحمر الصغير مال النقطه البلكهرباء ماحسيت غير على صوت هوسه بالغرفه فتحت عيني بثقل باوعت لكيت امي وهاجر فوك راسي
أنت تقرأ
مرت الشيخ ماجد
Romanceالقصه خيال 100/100 تتكلم عن الحياه العشائر وعاداتهم وتقاليدهم عن النساء والضلم الي يتعرضو بسبب عدم احتواء المرأة وتحكمهم بحياتها هل يشئ القدر ان يكتب لطفلاتان حياه جميله بعد ضلم واجبار ونبوذ ........ (مًرتٌـ أّلَشُـيِّخِـ مًأّجّـدٍ ) حبايب اريدكم ت...
