مرت الشيخ ماجد

البارت 18

بقلمي.. عسل صفاء..

حمد سولف لهَلنه شكثر متعوبينَ ♥️.

* هلا وغلا باحلى ناس وين ما وين البارحه منزلت لان عناد بيكم 😂😂 ماكو تصويت عالي للقصه ليش هيجي لعد مو ملتزمه وياكم ومسويه تنزيل يومي هيج اجازوني وسفه والله متوقعتها منكم يعني المشاهدات عاليه والتصويت معدوم يله وعدوني راح تسون تصويت بيه خير على الاقل راعو تعبي المهم ابقه احبكم 💚☘️

نبدا وقراءة ممتعه لجمــــــــــــــيع.....

هاجر.... اليوم اسوء يوم بحياتي بدا عداد الموت يعد لحضاتي الاخيرة لابسه البدله الي هوة اختارها بنفسه واحس خانكتني اني اعترف انو هوة رجال ونعم منه بس اني ما استاهله
ولا استاهل حبه الي متخله عني برغم جرحته هواي بالحجي
وباسلوبي وياه بس برغم من هاذا كله ضل محاول ويايه
مختنكه لدرجه الناس كاعده تضحك وتهوس كبالي واني بغير عالم منفصل عن كلشي حوليه البنات يحسدني لان اخذت شيخ عشيرة و مسويلي هيج عرس الكل يسولف بيه وبهيج بدله مصميها من الخارج الخاطري وبالاخير اني مو بنيه مادري اليله شلون راح اواجهه وشلون راح اتصرف وشنو مصيري ..لحد الان حتى امي مشايفتها مختفيه هيه وابويه ملتهين بالمعازيم كاعده وراسمه الضحكه على شفتي من غير نفس
احس روحي مثل العابه يحركوها وين ميردون رجعت لواقعي واني اشوف الناس تركص وفرحانه بنات عمامي واكفات بنص يهوسن ويركصن والفرح مبين بعيونهم مرت ساعه ونص وسمعت صوت السيارات والمزيقه والهوسه بالباب عرفت اجوي الخوف وتوتر  سره بجسمي ... جسمي كله كام يختض
جمان واكفه تهدي بيه مرت نص ساعه ودخل هوة وابويه وجدي وماجد تقربو مني واني دموعي اخذت مجراها على خدي تقرب جدي لبسني كلاده ذهب ثكيله و باسني من راسي ضل حاضني بكل قوته ابتعد وهوة يمسح على راسي اجه ابويه حضني وهم انطاني هديه رفعت عيني عليه شفته اتقرب مني نزع عبايته ولفني بيها باسني براسي سمعت جدي واكف ويوصي عليه ويحلفه بيه بعدلي شعره ويغمى عليه بس ضليت مقاومه ماريد احرج احد طلعنه وصوت الناس والمعازيم والسيارات والاغاني الي ترن باذني معرفت شلون اوصل للسيارة واصعد بيها احس حيلي باد من الخوف صعدت وضليت منزله راسي انتضرته ربع ساعه وصعد شغل السياره وباوع عليه كال

عبد الله.. رفعي راسج ترة السيارة مضلله خلي نشوف نعمه الله

هاجر.. رفعت راسي ونزلت الكبوس من راسي انداريت عليه لكيته صافن عليه والسيارة واكفه والناس تدك هورنات يردو يحرك نزلت راسي بسرعه هوة ضل يبلعم وبسرعه حرك السيارة بوكتها شغل اغنيه وضل يركص عليه ولا عبالك شيخ وجبير بالعمر ومعلي الاخر حسه بحيث اني انسطرت سطر فوك القهر البيه شويه وحسيت السيارة وكفت رفعت راسي لكيتها داخله بالبيت اصلن واني مطفيه من الرائيسي فتحلي الباب وغطاني بجسمه ونزلني جوي خواته ساعدني بالبدله ودخلنه بالبيت او القصر ضليت صافنه على التصميم والفخامه الي بالقصر دخلوني بصاله الجبيرة كعدت ونزعت الكبوس ضلن البنات خواته واهله يهوسن ويركصن شفت بنته ولا عبالك عرس ابوها كاعده تركص و فرحانه وتضحك باوعت بالوجوه وحدة وحدة نص يباوعون بحتقار عبالك كاتلتهم احد ونص بفرحه ونص عادي مهامهم الوضع جوي البنات رادوني اركص بس البدله ثكيله وتحججت بيها الناس كلها جانت عيونهم على بدلتي الي جانت محط انضار لكل بنيه