للكاتبه: عسلايه
تفاعل بليززز🌟🌟🌟
اطوف بصورتك .. وافتر بنص البيت
واتوضى من اشوفك وانته مو حضرة
يالمخليني عايش .. بينك ومابيك
ومامنطيني فرصه اجاهلك مرة
امنيتي اجاهلك بس صرت واقع حال
خسرت وذكرياتك بقت منتصرة............
"""""""""""""""""""""""""""""""""""""""""""
الشيخ: شنووووو علي انته شكاعد تحجي
علي: اي والله يا شيخ واكف كدام القصر
الشيخ: انتضر لحظه...
لبس دشداشته واخذ سلاحه و نزل يركض والبيت انكلب ...
واني كمت ارجف رجف اريد اندل دربي واطلع بعد ماكدر
ظليت اطكطك بصابيعي اخير شي حطيت شال على راسي ونزلت ولكيتهم يدكون ويلطمون وصوت الصياح والعياط ..
عفتهم بسرعه وعبرت من يمهم رحت لديوانيه لان بيها شباك يطلع على الشارع ظليت اباوع اريد افتهم سالفه شنووو ما سمع بس صياح و عياط وطلقات شعلت الجو شعل ... واني من خوفي بعد شويه واوكع بمكاني اخير شي هدءو و سمعت صوت جدي صالح يكول....
الشيخ صالح: يابه اهدءو اشويه و فوتو لديوانيه خل نتفاهم
الشيخ ماجد: والله لا يفوت ولا يعتب باب بيتنه كافي علينه خلينا عايش بنفس المحافظه و ماطلعنه روحه
عامر: ليش وانته منو كلك اني اريد ادخل ابيتك وبعدين لضل اتهدد ترة متخوف جلبي ..
الشيخ صالح: عامررر استحي على نفسك ولا تنسى الواكف كبالك منو على الاقل حترمني اني...
عامر: لا والله انتو مو شكول الواحد يحترمكم اسمكم شيوخ
داكلكم ابني اني اولى بيه اريد اخذة واسافر واعوفلكم العراق والي بيه
الشيخ ماجد: ولك احترم و لاتعلي صوتك بوجهنى لاتنسى نفسك بديت تجاوز هوايه واني اكدر احط طلقه براسك وسكتك بس ماريد اوصخخ ايدي بدمك النكسس .. وبعدين وين تاخذ الولد وتحرمه من امه
عامر: يااااا امه هاي اشو شامرته شمرت الجلب لا تدري بيه اكل لو شرب لو نام عايفته ولاجنه ابنها والنفقه الي دادزها الابني كاعد تصرفها على نفسها...
الشيخ ماجد: هيه هنا المشكله النفقه ليش تصرف النفقه عليها شايفنه كاعدين على الحديد اشو حلالنه يغطي عين الشمس ورضيعتي مامحتاجه لاهيه ولاابنها صدقاتك الي تصدقها عليه ...
الشيخ صالح: ان جان على النفقه فاخذها ماريدها احنى نكفي ونوفي وهاي شغله السفر الي طالعي بيها انساها تريد تروح الله وياك بس ابنك يبقى يم امه كافي انو هيه ضيعت نص عمرها وياك وهسه كاعد تربي ابنها ولازوجت ولا شافت حياتها وانته اشو زوج وزوجت عليها طلاك وطلكتها الموخر ومدفعته تنازلنه عليه لشكولك بعد شرايد ليش ماتخليها بحالها للحرمه
أنت تقرأ
مرت الشيخ ماجد
Romanceالقصه خيال 100/100 تتكلم عن الحياه العشائر وعاداتهم وتقاليدهم عن النساء والضلم الي يتعرضو بسبب عدم احتواء المرأة وتحكمهم بحياتها هل يشئ القدر ان يكتب لطفلاتان حياه جميله بعد ضلم واجبار ونبوذ ........ (مًرتٌـ أّلَشُـيِّخِـ مًأّجّـدٍ ) حبايب اريدكم ت...
