للكاتبه: عسلايه
جمان تكول لماجد ♡
صح اعتب شبيدي جبتها بس اعتب
بالله بغيرتك عود انته هم تحب
تعرف الحب شنو اشرحلي وانا اكتب
يتعب لاوحقك انته لتعب
تتحجج عليه مافتهم شتريد
تزعل تختلف وبسالفه اجلب
الحب تضحيه وانته شوكت ضحيت
من يومك ادور حار ومكسب
احتاجك اريدك يمي مالكاك
هوة وينها التضحيات اصدك اجذب
قاطعتك اعتذر استمر ياطيب
الحب اهتمام ونفرض هتميت
ساعه ومن بعدها الوضع مايعجب
.......................؟
متحمسين يله صوتو ونزلو اقرو🌟🌟🌟
جمان: كعدت الصبح عيوني مورمه من البجي وخشمي احمر لكيت هاجر هم نايمه على وجهه من التعب مال البارحه ..كمت غسلت و صليت و قريت قران ورجعت تمددت جانت10 الصبح شويه ودخلت امي عبالها نايمه
زهرة: يمه جمان هاجر كومو هسه بيت جدكم يحجون عليكم
هاجر: اهوووووو يعني مانرتاح
جمان: ماما صدك جذب البيت شكبرة شعرضه مليان نسوان لازم احنه انكوم ورويهم طولنه
زهرة: يماما شبيدي عليكم بالكي الله يفرجها علينه ونطلع بيت بحد بس خل يكمل بناء بيتنه
جمان: ان شاء الله ..... ولج هاجر ياله
زهرة: باع هاي الثانيه واني عبالي كامت ولج يمه والله مالي خلك حجي هوة كله سبوع ونشيل وعود شبعي نوم
هاجر : كمت
زهرة : جمان اذا مخلصه لحكيني
جمان: جيت ماما
طلعت من الغرفه وشفت عذراء وامها كبالنه داينزلن من الدرج شلون ثنين امها بس شافتنه عوجت حلكها ونزلت و عذراء حجت......
عذراء: ماما عاجبني اخذ هاي الغرفه و باقي الغرف انسويها مخازن للزبل مال البيت
جمان: اي مو هوة البيت باسمج بعدين ماكو زباله بالبيت غي. زبالتج
ام عذراء: خير عمه وانتي ياهو الكارصج اشو حصتكم اخذتوها واوليتو والبيت باقي بس النه .....
زهرة: رجاء كسري شر ولا تجاوزين هوايه ....
امي سحبتنه و نزلنه متجاهليهم هنه ضلن يصيحن فوك
رحنه للمطبخ انحضر ريوك ونسولف ويه نسوان عمامي وبناتهم ...... (مراح اذكر الاسامي فقط الابطال)
انطوني السفر افرشها بصاله اول مدخلت ليكيت جدي وعمامي والود كلهم كاعدين بس ماجد جان بالحديقه دخلت دافرش لسفرة ودخل هوة وجان يعيط بيه
أنت تقرأ
مرت الشيخ ماجد
عاطفيةالقصه خيال 100/100 تتكلم عن الحياه العشائر وعاداتهم وتقاليدهم عن النساء والضلم الي يتعرضو بسبب عدم احتواء المرأة وتحكمهم بحياتها هل يشئ القدر ان يكتب لطفلاتان حياه جميله بعد ضلم واجبار ونبوذ ........ (مًرتٌـ أّلَشُـيِّخِـ مًأّجّـدٍ ) حبايب اريدكم ت...
