مرت الشيخ ماجد

البارت 14

بقلمي انا..عسل صفاء...

أعترفُ لكِ يا سيّدتي أنّكِ كنتِ امرأةً استثنائيَّة 🖤.

_-_-_-_-_-_-_-_-_-_-_-_-_-_-_-_-_-_-_-_-_-_-_-

هاجر : اكو اشياء نتمناها بس دائما يصير عكس مانتمنه لازم نمشي عكس التيار مهما رفضنه وائما اكول القدر اله رئي ثاني بس يمكن الله ضاملنه الاحسن  اليوم المهر مالتي روحي احسها مقبوقضه حته فرحه مثل البنات ماعندي نشغلو امي وجمان بتجهيزات واني مثل الجثه بغرفتي بس ابجي محد اخذ رائي او كلي تردي او لا الرجال اكبر مني بهواي وعندة جهال شلون يردوني اخذة واني بت 17 سنه شلون انطاهم كلبهم عبالك البنيه عار اول متنولد يزوجوها اول متبلغ ويثبتون شرفها وعادي اذا ادمرت حياتها

مو مهم عدهم لحد الان كلمات بيبي ترن بذاني من اخر رحت يمهم وهيه تكلي وشنو يعني واذا رجال مزوج وعندة جهال ليش متاخذيه .. شكالو الروحهم من يشمروني هيج شمرة

الف مرة حاولت اتصل على جبر وبالاخير عرفت عنده مشروع كاعد يشتغل عليه ومشغول بيه اما اني الي سلب شرفي كلش عادي عنده حالي حال اي بنيه بالخارج يمه هيه تجي وتسلمه نفسها شكله نسه عاداتنه وتقاليدنه مفرق بينه

امي دائما تطلع وتشتري وتجهز غراض المهر وتجيبهم للغرفه خته اشوفهم وجمان تحجي وتضحك ويايه رغم الوجع الي بكلبها على ماجد حته ابويه اجه واعتذر مني وحاولت احجي وياه بس رفض ابويه رغم حنين علينه ويحبنه بس مال يصير عنده ثنين بنات وماعنده ولد صعبه كلش وبسبب حبه الامي متزوج راحو للطبيب حتا يتعالجون بس من سوة التحاليل عرفو انو السبب من ابويه لان الرجل هوة يحدد جنس الطفل عن طريق هرمونات موجودة يمتلكها حسب اذا كال هرمون البنيه زايد عندة يخلف فقط بنات كله بيد الله من عرف رفض يتعالج مع العلم هوة جان بنفسه بس مقبل وامي مضغطت عليه ... كاعده بغرفتي حاضنه رجلي وراسي على الحايط عيوني
ساعه 5 الصبح من البارحه مانايمه بسبب الخوف امي اجتي البارحه حته اسوي عنايه بجسمي وبشرتي بس رفضت رفض قاطع حجت وتعاركت وصيحت وبجت وطلعت واني بس صافنه مالي نفس بشي .....

متت وطلع على لساني شعر واني اكلهم ماريدهههه بس اول وتالي اني مال رائي شما سويت وشما حجيت صرت انتضر الفرج من الله بدات عيوني تغفه من بعد ليل طويل وصراع ويه نفسي وعقلي وكلبي يأدي نهايتها الى دمار شامل وبقائيه متناثرة من انثى ضعيفه شربت من كأس الحب وجرعت مرارته وهاي نهايتها ويايه الي بينه وبين جبر من مسافه بل خيبات ... نمت واني محاسه بروحي مثل بلاع الموس لا اكدر ابلعه ولا اكدر اطلعه بالحالتين مجروحه

حسيت على هوسه وخبصه بالبيت وصياح فتحت عيني واني اشوف بنات عمي كلهم فوك راسي وديردن يكعدوني حتى اكوم باوعت على الساعه 7:30 منمت غير2 ونص باوعت عليهم صافنات بوجهي وفاكات حلكهم .. احس مرارة بحلكي وراسي يوجعني جسمي كله يرجف والضخونه بعضامي طلبت منهم مي نزلت مريم تركض اتجيبلي كوموني على كيفي وفتحو المي البارد نزعزني وحطوني جواه بعد معاناه يله قبلت احس جسمي مثلج من يمه من طلعت شويه ارتاحيت لكيتهم مبدلين فراشي ومعزلين الغرفه ومطلعين العده والمكياج ودينتضروني اطلع من الحمام ونص منهم نزلو ينضفون البيت ويه جمان و يضبطون الكوشه والغراض