للنون حكاية

البارت العاشر

#للنون_حكاية

البارت العاشر

بقلم قمر الزمان 💋💋

على العاشگ عذاب الدنيااا كلة

حرام الاخرة هم بعد يتعذب

نور السچاچة

نظرة وحدة من امي كفيله تخليني اتلفت يمين وشمال ودور الغلط مالتي وينه

الصراحة الصراحة من ابوية ما خاف اخاف بس من امي

مو الخوف ما عرفه من ناحية ابويه لا بالعكس ابويه احترمه وحبه حيييل لان عمرة بحياته مضربني ولا غلط عليه ولا اذاني بالعكس دللني وكلشي من الغالي والزين يشتريلي ويفرقني عن اخواني بالتقدير والاحترام وحته المحبه بس

الخوف كل الخوف من الي من زغرنه وهية الي تراقب وتحاسب وتابع صح تعبت لكن النتيجة نضرة وحدة كفيله تخليني ارجف وحسب الف مرة للخطوة الي اخطيهة فمن اجيت وعترفت الامي بموضوع ذو الفقار هنا اني كنت مستعدة اواجه جبهة محشدة بالجيوش امي وحدهة قائد المعركة اما النصر او النصر هههههههه ولو الهزيمة متوقعه مئة بالمئة بس مدام عزمت النيه على المواجهة اذاً اكون كدة وقاوم للنهاية

ومنين جبتيليا

ماما فدوة بله هاي الهجة وهاي النضرة فدوة اروحلج افضل لو هسة بهاي السجينه اذبحيني ولا هالنضرة منج

افضل لو تمرعديني بيدج بس لا تباعيلي هاي النضرة

وشلون ست نور ترديني اباوعلج علميني حته اعرف اتفاهم وياج

ماما وداعتج انتي ما سويت شي الغلط حبيته وحبني بنيه صافيه ويريد يجي يتقدملي انتي متكيفيلي اني ارتاح يم شخص ثقه بزواجي

؟؟؟؟؟؟؟؟؟؟؟؟؟؟؟

ماما

؟؟؟؟؟؟؟؟؟؟؟؟؟؟؟

منين عرفتي

عن طريق الويجات برنامج بتلفون

وصار شكد تعرفي

ثلاث سنوات وهاي الرابعه

واني نايمه على اذاني

لا والله ماما بيش تردين احلفلج ماسويت الغلط
وحته دراستي مو كدامج كله اعفاء ونجاح ما هملتهة
اني لو اريد اكلج اخو صديقتي لو ادبرلج حجة بس ماريد اكذب عليج وريدج تفهميني

ودراستج

ماعوفهة ولا اهملهة وان شاء الله المعدل الزين والعالي

كعدي وشرحيلي تفاصيل ولا عبالج راح افوتلج الموضوع بس خل افهم اول

كعدت حجيت الهة كلشي من اول رجة للتلفون الى اخر مكالمه من كلي اخذيلي موعد من اهلج بس موضوع الطلعه ما ذكرته لان جبير وصعب واعرف تاثيرة عليهة لذلك دفنت الذنب بداخلي واعلنت التوبه