للنون حكاية

البارت الخامس

البارت الخامس

#للنون_حكاية

بقلم قمر الزمان 💋💋

ما طار طيرٌ ورتفع

الا كما طار وقع

بينك وبين التواضع

خيط واحد ونگطع

ام عيون نور

يوم زواجي كان يوم فرحتي  راح اتوج ملكة على كرسي مملكتي
راح يزيد دلالي

وراح اعيش الحالة الي تمنيته

حيدر وستقتاله علية حته ياخذني

بوسط صديقاتي وفرحتهم بيه حنوني

وبوسط هلاهل اهلة واصدقائة زفوني

ما نتبهت ولا خطر ابالي الي صار

جنت منحرجة حالي حال اي عروس من تكون ايد بايد ويه عريسها

صعدنه السيارة وما شفت شي لان جنت لابسه كبوس ابيض طويل

ومن نزلنه  صعدوني مباشر للمشتمل مالتي الي خصصو الي عيالي وتجهز بأفضل جهاز

ما قبل حيدر نحجز بفندق گال ما ارتاح
بغرفتنة وبيتنه ونرتاح بي واني هم ما لحيت علي كافي الصرف الصرفه على تجهيزي وعلى اثاثي

نسدت الباب علينه وتبخر كل الي حلمت بي
وبدل ما اتوج على العرش انهز  عرش مملكتي شفت حيدر ضايج وجهة ميكصه السيف وما باوع بوجهي

ستغربت مو هذا الاستقبال الي توقعته ولا هذا التصرف الي تخايلته صار عندي احباط
اشوفه ضايج نزع الرباط وعتة نزع سترته وشمرهة عالجربايه وكلي اخذي راحتج ونزعي بدلتج وبدلي

طبعاً خيالي الواسع هيألي امور كانت المفروض تصير مثلاً راح يشيلني من باب الغرفة او راح يرفعني من الارض ويفتر بيه لان فرحته كانت مو طبيعيه

كله صار عكس تماما كعدت ابجي وثبرته ثبر بالبجي وكتله رجعني الأهلي هسة ترجعني لو اني اخابرهم وخليهم يجون عليه

هوة من شافني هالشكل منهارة مثل الي حس على نفسه وحاول يراضيني ويفهم مني سبب البجي مالتي

نور نوارة نور عيوني ليش البجي يا حبيبتي غير افتهم

انته الي تريد تفهم لو اني الي اريد افهم ليش ليش هذا استقبالك الي اول لحظات النه سوة

احجي واني خاله ايدي على عيوني والدموع تكت كت عبالك ما صدكت ابجي

عمري كلة محد بجاني واجت الحظة الي ابجي بيهة

هوة ارتبك وما عرف شيكول بس الي فهمته منه انو صاير عركة هوة وامة قبل الزفه

حبيبتي صدكيني فرحتي متنوصف اليوم بس شويه صار اشكال وتعاركت ويه اهلي ليضل بالج حبي كومي غسلي ورتاحي وعتذر منج حبيبتي