#للنون_حكاية
البارت السابع عشر والاخير
بقلم قمر الزمان 💋💋
نور
احياناً انسان تجي صحوة بس متأخر جداً
توفت بيبي ام امي
فقدنة الحنيه والطيبه والصدر الدافي
ماما كلش تأثرت وحزنت حزن عميق واحنه هم تاثرنه بوفاتهة
بيبيتي طيبه الله يرحمهة ويتغمد روحهة الجنة
ورة وفاة بيبي امي تغيرت وبدت تحاول تبني جسور الصداقه والمحبه
يمكن متأخرة لكن افضل ما تبقه طول عمرهة ما شايفتنه اله ند الهة
ضيعت طفولتنه وحنه محاسين بامنه
وضيعت مراهقتنه وماستفادينه من نصيحتهة وحفاظهة علينه
وضيعت اهم مرحلة تحتاجهة البنت بحياتهة فترة انتقال من مراهقة الى شابه
طول عمري اشوفهة تكرهنة وتغار من عدنه
وبيوم امي خسرت امهة صحت وحست بلي ضاع منهة
شترجع طفوله مراهقة شباب
عمر بحاله تحاول ترجع ولشي الوحيد الي ميرجع هوة العمر
كلشي عند الانسان ممكن يرجع اله العمر
وصحوة ماما جتي متأخرة
اني ما اكره امي بالعكس احبهة لذلك جنت اتمنه لو منتبهة علينه اكثر
يمكن جان انتشلتني من الضياع الجنت احس بي او وگعت براثن شخص استغل ضياعي وحاجتي للحنان
الشي الوحيد الزين بموضوعي اني وبارق هوة خارج العراق وميكدر غير بتلفون ممكن ياذيني ويعاقبني يمكن هوة لو بالعراق جان صارت غير اشياء والحمد لله هالشي نفعني
معناه الرحمة الالهية كانت وياي وحافظتني
حزن ماما على بيبي ومحاولة رجوعهة الحياتنه شويه خففت من اعتكافي على نفسي وخففت تأثير الصدمه الي جنت اعاني منه بخسارة بارق
بارق مو ربح حته يصبح خسارة ولكن ماحبيت تنتهي علاقتي بي بهاي الصورة
على كل حال مرحلة ونتهت من حياتي وهوة هم ما حاول بعد يرجع او يتواصل
اكو وحدة ( احتفظ بذكر اسمه )
كلتلي كلام واليوم اله تحقق كلامهة
كلتلي راح تجيج صدمه من هذا الشخص تصحيج على نفسج صح راح تتأذين بس بعدين ترتاحين وتخلصين من قيودة
اني بوكته جنت متعاركة ويه بارق وهم جان حاضرني فكتلهة يجوز هذي العركة مالتنة لان جان حيل غاثني وقاهرني وحته بوكته تعدة على بابا
أنت تقرأ
للنون حكاية
أدب نسائيقصتنه تتكلم عن خمس فتيات مراهقات طالبات يتحدثون عن تجاربهم مع الحياة والاغلاط الي ارتكبوهة علاقتهم القويه وترابطهم اتمنى لكم قراءة ممتعه
