للنون حكاية

البارت الخامس عشر

#للنون_حكاية

البارت الخامس عشر والأخير

بقلم قمر الزمان 💋💋

نور

هااا نور شنو قرارج

باوعت علي وبحظنه أبني

باوعت حواليه مجمعين اهلي

امي ابويه اخوتي

كتله حيدر

ذولة اهلي الربوني وتعبو علية وساندوني وبكل شدة حضروني واول ما اكول اااه يداروني

ربولي ابني وكأنه ابنهم مو حفيدهم ودللو مثل ما دللوني

ما اكلك ما اكدر استغني عنهم  لان أكو تلفونات واكو طيارات واكدر اسافر واجي أزورهم

لكن اهلي ظماان الي
اهلي مضمونين من أحتاجهم الكاهم

اهلي مضمونين بحبهم ودلالهم

اهلي اضمنهم ميتركوني من احتاجهم

اهلي مضمونين بحبهم وعاطئهم

اهلي اعرفهم ماراح يتغيرون عليه بيوم من الايام

اهلي اذا تغيرت الظروف ميتغيرون

واذا جارت الدنيه ميتبدلون

اخوتي سندي

وامي مركز الحنان

وابويه مفتاح الجنه والعطاء

اترك كل هذا وسافر وياك الطريق مجهول

شنو يظمنلي بيوم ما اكعد الصبح ما الكاك

شنو يظمنلي سنه والثانيه تصيح اهلي واهلي

شنو يظمنلي ما اهلك راح يعوفوني بحالي

شنو يظمنلي ما انته نفسك ما تخون وترجع البنت خالتك

انته كلك مو ضمان ولو صار انته ضمان

فاهلك مو ضمان

ماكدر اترك استقراري وهاجر للمجهول ولو ارتاح لوما ارتاح

ماكدر اعيش  حياة الخوف والترقب شوكت تتغير علية

اعتذر منك حيدر حياتي مو حقل تجارب مع الاسف ادركت هذا الشي متأخر

اختار ابقه اني وابني عد بيت بي كل الامان والاطمئنان
على حياة مابيه اي ضمان

كامت امي وشبكتني وبجن

بنتي حبيبتي مادامني عايشه متحتاجين احد ابداً ومثل ما كبرتج وصرتي وردة اكبر ابنج وخلي بعيني

حيدر كال

بس ما اني مراح اعوفج وطلاق ماطلق

لتطلق يجي يوم ولكلشي نهاية

مابحاجة رجال بحياتي جربت وشفت الرجال مو سند وهذا أنته كبالي شنو الشفته وياك بزواجي

خليني عايشة بنص اهلي وابني كبال عيني وهذا الشي يكفيني

حجة أبويه

بابا اذا علمودنه ترة احنه نبقه نساندج طول عمرنه فلتخلينه عثرة بطريقج

ابداً بابا اذا تركتكم راح هواي اعثر بحياتي واني هذا الشي مو كدة

اني مو قويه بالقدر الكافي اواجه الدنيه وحدي احتاجكم بابا وحتاج مساندتكم الي

وراح نبقه يا بنتي سندج طول العمر

نور لاخر مرة اكلج فكري اني متمسك بيج ونتي زوجتي وما اتركج

ماشفتك صار بيك شي بدوني هاي صار الك ثلاث سنوات بعيدين عن بعض ما تأثرت او تغير شي عادي اشوفك مرتاح وعايش حياتك

الي ميستغنة عن زوجته اسبوع او بالاكثر شهر مو ثلاث سنوات ومتأكدة تكدر اكثر هم تصبر بليايه تعرف ليش

لان اكو من معوض مكاني وميحتاج اوضح اكثر فهمك كفايه

لعد راح تبقين هيج

ابقه هالشكل ولا ارجع للحياة التعيسه العشتهة وياكم

عافنه وطلع وبابا كال اكدر اخلي المحامي يرفع دعوة ونخلعه بس ماريد هوسة وشوشرة والطفل يتأذة وانتي هم تتبهذلين بالمحاكم راح نخلي يطلق من كيفه

يجيله يوم ويأيس

وعايشة حياتي عادي بوسط اهلي وحبابي يوم عد خوالي ويومين عد خالاتي

ومرات عد عماتي  وعمامي ميفاركونه

خطبنه الاخويه بنت عمي ودنجهزة حته نزوجة وحياتي مستقرة هالشكل ومقتنعه

احياناً يلوموني ويكلولي ترة المرة بليه رجال تضيع

واني عد الرجال ضعت

الاختيار الخطأ كان مو بصالحي وتجربتي كانت مو بمكانهة

لا كل رجال رجال ولا كل اهل اهل واني عندي الاهل والحمد لله وما أحتاج الرجال

( تمت )

العبرة من قصة نور

كلشي زاد عن حدة انقلب ضدة

الدلال الزايد يجعل الابن يتصرف تصرفات اكبر من طاقته

هذا الشي الزايد يجعله يجرب اشياء زايدة عن حاجتهة
مثل نور بطلت قصتنه

متوفر كلشي الهة واكثر من الطبيعي وكلشي صار وتم بدون حساب وكتاب وهذا الشي خلاها تجرب مواقع بيهة اكثر دلال

والاختيار الخطأ وكعهة وخلاها توعة انو مو كلشي بالحياة تجربه نجربها

انفسنة امانه عدنه منجعلهة حقل تجارب احنه مو كدة

دللو اولادكم وعيشوهم الحياة المستقرة مدامكم طيبين بالحياة
لكن بحدود المعقول حته لا تخرج تصرفاتهم عن المعقول

بقلم قمر الزمان 💋💋 اتمنى ان تكون نالت رضاكم