#للنون_حكاية
الجزء الاول
البارت التاسع عشر والأخير
بقلم قمر الزمان 💋💋
غفلة الوكت ينباك منة غفلة
نور
مطمنه وهادي بالي وما اجة على بالي بيوم يتعكر صفو ايامي
ابويه ومرته بين فترة وفترة يجون يمنه ابيت اعمامي مرات يبقون ومرات زيارة ويرجعون
صارلهم مدة ما جايين واليوم عدنه همة بس اشوف ابويه ما مرتاح عدة حجايه يريد يحجيهة وبنفس الوقت ساكت ويباوع بالوجوه
دخل عمي جاي من شغله سلم وكعد
سأله ابويه
تروح للخطبه
يا خطبه
خطبه ماهر
ليش ماهر خطب
اي خطب والمشيه الخميس رسمي راح نمشيله احنه العمام
يحجي ابويه ويباوع بوجهي ويترقب كأنو ردة فعلي واني صافنه عليهم شديحجون منو خطب
ويا ماهر هذا
استيعابي صفر بذيج الحظة ماخطر على بالي ولا في ادراكي المقصود حبيب عمري
حبيب صباي وايامي وسنيني
يقصدون الي كال
متسمه مرة من بعدج باسمي
يحجون عن خطبه الي ثمان سنين واني انتضرة
وليساعني ما مستوعبه ونضراتي عادي اشوف ابويه مركز بوجهي ولان صدمتي بعدهي ما متأثرة فنوعاً ما اشوفه اطمأن
جاوبه عمي
المن خطب ماهر
بت خالته الي مسمايه بسمه وهوة جان مأجل الموضوع وهسة بعد كافي الولد هم كبر ويريد يستقر
لعد مو على اساس يحب وحدة وامه ما قابله
رأساً ابويه باوع بوجهي وكال
كلاوات يا حب خطب بنت خالته منتضرته البنيه
هنااا صحيت هنااا عرفت المقصود منو هناااا الاسم اتوضحلي
ماهر خطب
ماهر خطب
واني شنو
والاتصالات شنو
وكلمات الاطمئنان شنو
ذاك اليوم سألته وكلي متوهمة
مو اني حلمت بيك ونته جذبت الحلم
طلع الحلم صادك ونته الي جذبت
زين ليش
ليش اسمع بهاي الطريقه
ليش اسمع من غيرك
والكاعد كبالي عبالك مو ابويه عبالك عدوي ومنتضر الغلطة حته يحطمني
أنت تقرأ
للنون حكاية
Chick-Litقصتنه تتكلم عن خمس فتيات مراهقات طالبات يتحدثون عن تجاربهم مع الحياة والاغلاط الي ارتكبوهة علاقتهم القويه وترابطهم اتمنى لكم قراءة ممتعه
