للنون حكاية

البارت السادس عشر

#للنون_حكاية

البارت السادس عشر والأخير

بقلم قمر الزمان 💋💋

نور

شال ماعون الكيك ولطشه بوجهي

ويضحك

واني عقلي توقف لحظات شنو هالتصرف هذا

لا وكدام اهلي واقاربي واهلة واقاربه

يعني حته مو وحدنه ويضحك والاكبر من كل هذا يضحك

اهلة بمحاوله تهدئة الوضع سووها بضحك وكالو  يالله هاي ديشاقيهاا خلوهم وحدهم خل يتصافون ونسحبو  وراحو داخل البيت

اما اهلي فما كدرو يحجون شي وراح ورا اهلة واني ظليت على تصنمي

وهوة بضحكة وشقه كلي اني مو كتلج مكياج لتخلين يالله هذا سبب حته تغسلين وجهج

باوعت علي شنو الكلمات المناسبه الي ممكن اكولهة الة شنو التصرف المناسب الي اتصرفه ويااا

لزمت الكلنس ومسحت بعض مناطق وجهي واني ساكتة تماماً ما ضامنه نفسي شنو يطلع منهة ويخرب الوضع اكثر

واني اكول علي هذا العاقل الرزن

طلع اجن من حظي

عاد فجأة ترخص وطلع

وبقو اهلة ورة شويه همة هم ترخصو وطلعو واني ظليت اطحن بروحي وجماله طلع وحته ما طيب خاطري

ولو هوة الموقف لو شما يسوي ميطيب خاطري

يمكن شايفه هذا المقطع ببرامج حوادث غريبه

بس الغريب انو يصير ويايه

صديقاتي ضحكو وكالو عادي ترة

وتصرفه من باب شقه

ماكدرت اهظم الموقف ابد

مرت ساعه تقريباً وندكت الباب وطلعو اهلي فتحو

ودخل ابراهيم شايل بيدة باقة ورد جداً جميله او وردهة طبيعي مو صناعي

وبمحاوله تصليح الموقف وعتذار قدمهة الي

بس المشكلة بعد ما كدرت افرد وجهي

مو هذا الي مخططه اله

بقيت بفستاني ما نزعته لان صديقاتي بقو يمي من طلع ابراهيم ومن رجع وجايب الورد ضحكولي عود شوفي رومانسي ويريد يصالحج

تقبلت الورد عادي منه بس ماهظمت تصرفه

ههههههه على كلاً خل اكون اول وحدة بتاريخ العوائل العراقيه صارت بيهة هاي الموقف

العريس لطش الكيك بوجه العروس هههههههههههه

حالياً احنه بفترة خطوبه وكل ما اشوفه يحاول يبرر الموقف

اني ردت اشوفج بدون مكياج وبهالطريقه ردت تمسحين المكياج

بس ترة طريقتك سخيفه عريسنه

المهم حياتي هادئة خريجة ومخطوبه خطيبي شخص ممتاز بالاخلاق والطباع

ودنجهز الزواجنه

احياناً اذكر همام وكول في نفسي يا ترة لو باقيه ويااا شنو مصيري او شنو الي جان صارلي

همام مجنون

انسان بسيط حب بصدق لكن حالته الماديه ما تسمحلة بالزواج

والغلط مني اعترف كان المفروض من الاول ارفض حبه لان اعرف ضروفه وعرف موقف اهلي من هاي الناحية وعرف نفسي ما اكدر اعيش حياة الفقر ويه همام

ورطت ابن الناس ويايه او ورطت نفسي

والحمد لله نقذت روحي  ولو متأخر بس افضل ما جازف  بتصرف منه يخليني اخسر هواي

منتضرة حالياً ابراهيم يكمل تجهيز حته نزوج وتقريباً هوة لمحلي بتاريخ زواجنه على بدايه الشهر القادم لكن ما مثبت الموعد

( تمت )

الله يهنيهة

العبرة من قصة نور

لا تمشي بطريق ميناسبك ونته تعرف ميناسبك الكلام موجه للبنت او الولد

حياتنه مو لعبه  ونكعد نختبر امور خطرة

يمكن بطلة قصتنه الله سترهة بعدة مواقف
يجوز غيرهة توكع بمصيبه محد يطلعه منه

الشخص مو مناسب من البدايه ما امشي بطريقه ولا انطي امل ولا اصلا ارتبط بي

كسرت القلب مو قليله مثل همام نكسر قلبه وخاطرة على حبه

ولا العمر سهل واحد يجازف بي مثل نور من ارتبطت بهمام وكان مجنون بحبهة وتعرف بي من الاول ميناسبهة

اختارو طريقكم بدقه وعنايه وحسب بيئتكم ومعيشتكم العمر مو مجازفه

بقلم قمر الزمان 💋💋 اتمنى ان تكون نالت رضاكم