للنون حكاية

الجزء الثاني من البارت التاسع عشر والاخير

#للنون_حكاية

البارت التاسع عشر والأخير

اني شفت الفديو وقريت كلامهم بالستوري يعنو شنو قصدهم

شنو اخذ الي يحبهة

يعني بت خالته جان يحبهة افتر راسي فر وظليت مثل بلاع الموس لا اني  البالعته ومشكك بطني ولا اني الي مطلعته ومشكك حلكي

شلون اعرف شلون
شنو الصار وشنو الجرة معقوله جنت غشيمه كل هذي السنين

يجوز جان يضحك عليه يجوز ما جان يحبني اصلاً

مثل المتسمم ومتزوهر ظليت

اتصلت بنور وحجيتلهة

لج نور ناشرين خطبته
ماخذلهة باقه ورد نور

ونتي حظلين هيج تاكلين بروحج انتي ليش مدشوفين الواقع لج نور هذا جبان صح مازوج ونتضر ثمن سنين بس مو معناه يروح يخطب
وين الوعد وبس انتي باسمي لو لا

هااا وين كلامة الج

نور ما ننكر ترة هوة هم تعب هوة هم حاول هوااي و صبر

اي ونتي هم انتضرتي ورفضتي هواي اشخاص مناسبين الخاطرة بس هوة مو مثلج انتي بنيه مغلوب على امرج بس هوة شنو عذرة

يعني انضحك عليه قصدج قصدج مجان يحبني

لج فهمي عليه مكتلج ميحبج ولا لعب عليج

بس طلع مو كدهة وتالي نفذ رغبه امة واخذ بت خالته
مجان من الاول يعرف نفسة ميكدر على امه شكو علقج بي شكو ينطي وعود هوة مو كدهة
جان يكدر يستخدم الف طريقه وطريقه مو نهزم سنين وتالي من رجع رجع الحظن امه ونفذ رغبتهة

واني هسة شلون راح اعرف شصار

ونتي شتستفادين اذا عرفتي بس حركان الدم
دكافي يا عيني كافي بجي شيفيد  متكوليلي مو حته صحتج راحت

عساني متت ولا اشوف الي داشوفة

استغفر الله يا ربي

مديجاوبني ويفهمني لج نور راح اتخبل

جاوبج شتتوقعين يصير اذا جاوبج

خلي ياكدلي هوة نجبر عليهة حته ارتاح خل ياكدلي مو برغبته الصار يجوز ناري تبرد

اوووف راحت عيونج من البجي
عساها بختهة حوبتج يا نور

ظليت عليله وصحتي مو هالكد وجنت مجبرة اروح واجي للدوام

اليوم رجعت من الدوام لكيت مرت ابويه جايتنه

فوك ظيمي ماعدهم سيرة غير ماهر خطب ماهر يزوج عبالك اني ناقصة
عمتي سالتهة

شوكت زواجة

هالسبوع يزوج

شنوووو