قارئة الفنجان
بصرتُ بصرتُ ونجمتُ كثيراً
لكني لم اقرأ ابداً
فنجاناً يشبهُ فنجانك
بصرتُ بصرتُ ونجمتُ كثيراً
لكني لم اقرأ ابداً
احزاناً تشبهُ احزانك
( شعر نزار قباني )
#رحلة_شتلات
بقلم قمر الزمان 💋💋
مساكم الله بالخير والعافية
يمكن تستغربون من اسمي شتلات وانة نفسي مستغرب منه
وحته مستغرب اهلنه وين لكو هذا الاسم
وشلون كلبهم انطاهم يسمون ابنهم هيج اسم
اهل قبل واختيارهم للاسماء الغريبه مساله معقدة يمكن لحد هاي الحظة محد لكة اله تفسير
مع العلم الاسماء الجميله كانت موجودة من الله سبحانه بدأ بخلق الخليقة
ادم اسم ابو البشريه وحواء اسم اول أنثى
ومن بعد توالت الاسماء حته الانبياء والرسل كانت الهم اسماء جميله
نبي الله نوح ونبي الله ادريس ونبي الله عيسى وموسى وابراهيم ويونس والنبي الكريم محمد وعدد كبير من الاسماء الجميله وحتى الغريبه منهم هم كانت مقبوله واله معنى
مثلاً النبي شيت والنبي شعيب والنبي لوط
وكثير من اسماء الانبياء
حته بزمن الجاهلية كانت الاسماء الهة معنى والهة تاثير بشخصيه الشخص
عمي راضي لو مسميني طلحة لو مسميني سفيان
ههههه شتلات مدري شكال الهم عقلهم وسموني هيج اسم
جانت بزمانه الاسماء متوفرة بس ما ادري ليش اهل اقبل ما يرغبون يسمون اله الاسم العجيب الغريب الي حته ماله معنى
يعني مثلاً موسى وكاظم وحسين وحسن ومحمد واحمد وابراهيم اووووووو من هاي الاسماء الحلوة
اله شتلات وشخاطة ومنجل وسهم ومدري منين ما منين يجيبون الاسم العجيب الغريب
زين وصابونه هاي بالله شلون نداوي اسمهة
على كلاً عوفونه من الاسم لان انه نفسي متعقد منه وما اعرف معنى
ولو هوة الة معنى ( شتله جمع شتلات )
بمعنى النبته الصغيرة الجاهزة للزراعه في التربه
ايه على كلاً
اسمي هم عانى ما عانى مثلي لا تتوقعون الطفولة شي سهل
ولا كل الناس عاشت طفولة حلوة
انه من طفولتي گلبي مشلوع وشفت بحياتي ما شفت من معاناة
ولي يكوللكم قبل جان زمن الخير
أنت تقرأ
رحلة شتلات
Short Storyهل هناك نوعٌ مختلف من الحب غير الذي نعرفه فقد تعرفنا على حب المعشوقة منذ قديم الأزل عنتر صال وجال من اجل عبلة وروميو مثلوا حبه تمثيلاً من اجل جولييت وهناك العديد من العشاق والمعشوقين فهناك قيس ابن الملوح وهناك حمد وحبيبته نعيمة قصة من داخل الاهوا...
