رساله من تحت الماء
يا من صورت ليَ الدنياا كقصيدة شاعر
وزرعت جراحك في صدري واخذت الصبر
ان كنتُ اعزُ عليكَ فخذ بيدي
فأنا مفتونٌ من رأسي حتى قدمي
فأنا مفتونٌ من رأسي حتى قدمي
الشاعر ( نزار قباني )
بقلم قمر الزمان ❤️❤️
طلعت من العسكريه بأسباب صحية
هجمه من الهجمات وطحت على ظهري وتأذيت خذوني مستشفى عسكري واتضح عندي صاير انزلاق حاد وبعد ما تنفع خدمتي
سوولي كتاب تسريح لاسباب صحية ونزلت البيتي
حمدت الله وشكرته بعد لا اكو جيش شعبي ولا اكو جبهات بس بعديش ظهري اتسگط وبعد ما يفيدني اي شغل
ظليت على شغل السيارة هم نعمه وخير وهم وقت اطول وي عائلتي وي اقاربي
سفرات سياحة
كالو الي عدة خدمه بالعسكريه وجان سابقاً يشتغل بدائرة حكوميه خل يرجع يداوم حته نحسبله تقاعد
صدك حسبتهة انه هواي الي بالشركة وبالمعمل وخدمه عدي بالعسكريه
بس ما هويت ارجع للدوام بعد ماكو صحة التتحمل
بس المرة ظلت تلح داوم داوم
يابه بعد مابيه
لا داوم هنة سنتين ثلاثه وتتقاعد ويصيرلك تقاعد يفيدك بالكبر
والله دفع دفع رجعت داومت بالشركة ونحسبتلي خدمه الفات كلة
بس انه ما مرتاح ظليت قلق عفت صاحبي بالجبهة مدري ميت مدري عدل
انه وياا تفاركنه هناك بنفس مكان الي تلاگينه بي وزعونه وتيهتة بعد
وصار التسريح وماعرفت شصفه منه
بس الي قهرني اكثر صاحبي الثاني العدة بس بنات استشهد رجال بعمري تعبان خطيه عاف بناته وراح
ايه بعد وبعد نشوف
صار عدي دوام بالشركة واشتغل على وقت فراغي بالسيارة
بناتي بعدهم زغار ومرات يتصرفن تصرفات ما يعرفن نتائجهة
انه بعد الله وسع عليه والخير نعمه
كمت ما اشتري كيلو وكيلوين لحم لاااا
اجيب الطلي للبيت وذبحة
وما اشتري سمچة وثنين لااا
كونية سمج اوكف يم السماچة وكلهم عبوليا بالكونيه اخذة للبيت والمرة تصرف بي
الفواكه صناديك
المخضر صناديك
التمر عثوك
اطبك على ابو الركي والبطيخ وكله حملهن بالسيارة
أنت تقرأ
رحلة شتلات
Short Storyهل هناك نوعٌ مختلف من الحب غير الذي نعرفه فقد تعرفنا على حب المعشوقة منذ قديم الأزل عنتر صال وجال من اجل عبلة وروميو مثلوا حبه تمثيلاً من اجل جولييت وهناك العديد من العشاق والمعشوقين فهناك قيس ابن الملوح وهناك حمد وحبيبته نعيمة قصة من داخل الاهوا...
