قارئة الفنجان
مقدوركَ ان تبقى مسجوناً
بين الماء وبين النااار
مقدوركَ ان تبقى مسجوناً
بين الماء وبين النااار
شعر ( نزار قباني )
#رحلة_شتلات
البارت الرابع
بقلم قمر الزمان 💋💋
اخخخخ الي مشلوع كلبه لا يرتاح بيوم
وصلت الباب البيت الخارجي وعلى كيف اريد اطلع وجان تنحط ايد على جتافي
اندار ولنه اخوي جبر
شتلات وين رايح
عوفني جبر خل اطلع
ولك كلبنه الدنيه عليك
وكام يصيح
حجي حجيييي رجع شتلات رجع شتلااااات
ولك هسسسس الله يخزيك جبر خل اروحن لا تصير موزينه
وانه اجر بروحي وهوة مجلب بيه اريدة بس يفك هدومي ماكو
وين جنت كلبنه الدنيه عليك ولك امك مريضه
ويطبكم احريشي عوفيني جبر لا أذيك
وعلى صياحة وهوسته التمت الناس النزل الي بالبيت كلهة طلعت من غرفهم
وابوي اجة يركض عباله حرامي وامي كعدت
وانكلبت عليه گلاب شلون راح اكدر اخلص نفسي منهم
وكلهة مجلبه بهدومي وتصيح لا تروح وين جنت شتلات رجع
يا عمي ما رجعت بس هدوني
وما احس اله راجدي فر راسي فر
منو هاذ اباوع ابوي هوة الي ضربني ويغلط ويسب بيه
بدال ماتاخذني بحضانك بدال ما ترجعني البيتك بدال ماا تكول ابني ورجع بسلامه
امي شبكتني وظلت تبچي وتنعه وانه عيني على ابوي الي ظل يغلط والناس تهدي بي
وما احس اله الخوال والعمام كلهم ملتمين منو صاحهم ذول
ولو هية مو عجبه لان كلهم بيوتهم قريبه كلنه منطقه وحدة مو صعب الصوت ينسمع وكلهة تلتم
هاي الهوسة صارت برمشه عين وانه اريد اخلص روحي منهم كلهة مجلبه بية
وانه عيني على ابوي الضربني كدام العالم ويغلط وهوة الي ما راضي انه ادري الي سويته مو صحيح لكن شلون اخلص منهم ومن ظلمهم
كتلهم هدوني عوفوني عيشتكم ماريدهة حياتكم ماريدهة الله اكبر ولكم طالبيني بطلابه
تركتلكم الدنيه وما بيهة ماريد ابقه عدكم فرفحت روحي وانه اريد اخلص منهم انوب جلبو بيه أكثر
كوم يا جبر ومد ايدك بجيبي وجر الجنسيه وانه مجتف ماكدرت الزمه
نوب كومو وفرغو جيوبي حته لا اكدر انهزم بعد خذو شكو فلس بجيبي
أنت تقرأ
رحلة شتلات
Short Storyهل هناك نوعٌ مختلف من الحب غير الذي نعرفه فقد تعرفنا على حب المعشوقة منذ قديم الأزل عنتر صال وجال من اجل عبلة وروميو مثلوا حبه تمثيلاً من اجل جولييت وهناك العديد من العشاق والمعشوقين فهناك قيس ابن الملوح وهناك حمد وحبيبته نعيمة قصة من داخل الاهوا...
