رحلة شتلات

البارت السادس

رساله من تحت الماء

ان كنت حبيبي

                     ساعدني كي ارحل عنك

ان كنت طبيبي

                      ساعدني كي اشفى منك

لو اني اعرف ان الحب خطيرٌ جدا ما احببت

                      لو اني اعرف ان البحر عميقاً جداً ما ابحرت

لو اني اعرف خاتمتي ما كنتُ بدأت

شعر ( نزار قبلني )

البارت السادس

بقلم قمر الزمان 💋💋

ان تجعل في حياتك اهداف يصعب تحقيقها

فالله هوة كفيل بتحقيقها ما دمت مكافح

يا عمي اكو مثل يكول اكل مر وشرب مر ولا تعاشرلك مر

وانه العيشه ويه اهلي المر بذات نفسة
صعب صعب اتقبل التفرقة والمشاكل المتعبه المستمرة

اشتغلت بمعمل وظليت فترة طويله بي صح متعب لكن راتبه زين انطي للحجي منه واني وزوجتي يكفينه ونجمع منه شوي شوي

اكللهة چايهن اريدن اشتري سيارة واخذج واونسج وماخلي مكان ما روح اله

وهية تضحك علي وتگلي دير بالك بيب بيب لا ادعمك

كتلهة هااا ولج عبالج ما اشتري لا والله اله اشتري سيارة

وكان هدفي الأول السيارة وكان في فكري اذا صارت عدي السيارة سهل اروح ورا صاحبي ادورة

تأخرت زوجتي بالحمل عادي ماكو مشكله قابل مايصير يصير ان شاء الله

مرت جبر حبلت والمداراه والدلال  هم ميخالف من حقهم لكن على حساب راحتنه

جاي تعبان وحارة وصادف شهر رمضان انه ما صوم ليش اكذب عليكم من ورا الحجية كرهتني بشي أسمه صوم

يجوز تكولون مو عذر لكن انه اشوفنه عذر
ويجوز الدافع نفسي اكثر منه عذر

لعد الله يقبلهة صايم وحارة اجي الكة الفطور تمن ولبن
هم ميخالف نعمة الله بس مو يوميه

لا وسحورنه هم طاسه روبه

ولكم السمج المن والدجاج المن والحم المن الحجي ينگل  اشكال وكله من الزين

مرات يهوس عليهة وتجر عدل ومرات يتعب
الحجي هم عصبي ومل منهة ومن اطباعهة مو بيدهة ماتكدر تسعد عايلتهة

كل فكرهة الثواب الي تطي للناس يفيدهة اكثر من عدنه

تشيل وتطي وحنه نظل نلطم لو تطينه القليل الي ما يكفينه

لو تطي الناس وتظل ناس

المهم رجعت لكيت المرة مورثه قهر