رحلة شتلات

البارت السابع

البارت السابع

رساله من تحت الماء

اشتقتُ اليك فعلمني الا اشتااق

                               علمني كيف اقص جذور هواك من الاعماق

علمني كيف تموت الدمعه في الاحداق

                                علمني كيف يموت الحب وتنتحرُ الاشواق

شعر ( نزار قباني )

بقلم قمر الزمان 💋💋

لو تصاحب خوش صاحب لو تظل من غير صاحب

هذا شعار انه اتخذته بحياتي افدي روحي للصديق الوفي ودعير مو بس صديق لا عمر وايام وليالي وشهور وسنين

احبنه مثل ما احب ابني  ومثل ما احب اخوي واحبه مثل ما احب نفسي

اسبوع انه بالبصرة ادور ما لكيته ماخليت ما دورت
دعير اختفه

انه اعرف صاحبي زين ما ينساني لذلك ما فكرت ولا افكر هوة ناسيني ولا فكرت بيوم ابطل ادورة وناطي كل العذر بهاي غيبته لان بس الله يعلم بضروفه الي منعته عني

اااه يا نار گلبي وين الكاك
ظلت المرة هالفترة عد اهلهة ومن ما لكيته رجعنه البغداد وكلي امل في يوم التقي بي
لابد ما الكا لو اعرف اخم العراق من شماله لجنوبه

انه شغل المعمل هد حيلي كلت ابطل منه وشتغل غير شغل بس على كيفي  ما استعجل

وشريتلي سيارة ههههههه ااخ حلم حلم جنت اصعد سيارة اخذتلي وحدة زغيرة بذاك الوكت جانت نازله جديدة اسمهة بولسكي

ايه وصارت السيارة حقيقه صارت عدي الطلعه سهلة والسفرات اكثر متعه

وصارو أولادي سته اجتني بنيه اخر شي

صار الي كيان واستقلال وصار عندي ضيوف وخطار يجوني البيتي يزوروني

شي جميل وممتع ان تستقل بعد ماكنت ماعندي مكان يأويني وفي يوم من الايام اضطريت اسكن محافظه ثانيه في سبيل اجد الامان والراحة

واليوم بعد نظال طويل والحمد لله كدرت استقل وكون مملكتي

طريق السياسه تركته لان صارو عندي عائلة وخاف عليهم اجنب اي كلام او اي جلسه ابتعدت عن طريق النضال الي كنه مندفعين اله

صار عندي سبب احافظ علي من بطش الحكومه  لذلك ما شاركت بعد بأي نشاط مو جبن ولا عدم وفاء لكن اولادي سبب يخليني ابذل مجهودي لابعادهم عن اي ضرر

البيت الي كاعدين بي مساحته جبيرة

وبدت المرة بقوانه جديدة بيعه ما بيعه

ليش بيت جبير وجديد ومسحاته تخبل

لا انه اخاف لان جبير وظل اتخايل اشياء