قارئة الفنجان
في حياتك يا ولدي امرأةٌ
عيناها سبحان المعبود
فمهااا مرسومٌ كالعنقود
ضحكتها انغام واورود
والشعر الغجري المجنون
يسافر في كل الدنيا
قد تهوى امرأةٌ يا ولدي
يهواهااا القلب هيَ الدنيااا
لكن سمائكَ ممطرةٌ
وطريقك مسدودٌ مسدود
شعر ( نزار قبلني )
رحلة شتلات
البارت الثاني
بقلم قمر الزمان 💋💋
ايه يا عمي الما يسترجع حقة لا ينام ليله مرتاح
طلعت الوالدة مسيرة يم خوالهة وهية اذا راحت الخوالهة اجعلهة لليل يالله ترجع
وانه اجتني الفرصة دخلت للغرفة باوعت وين ممكن تضم الفليسات
صفنت اخذتلي نضرة عميقه
اذا كلبت الفراشات راح تعرف واذا حركت الغراض هم انكشف شسوي شسوي شسوي
اول شي كلت خل افتش الحيطان
تعرفون زمان قبل جانو البيت اذا طابوك ما يلبخو يعوفو عالطابوك لان مكلف وماكو اهتمام بالكشخه والترتيب لذلك اخر همهم يبيضون الحايط
طبعاً مو الكل وانما البعض
فكان حيطان بيتنه مو لبخ عالطابوك باقيه
والطابوك بي حوافي فارغه ما بين طابوكة وطابوكة
اني كلت خل افتش الحيطان اول يجوز ضامتهن هناا
والله واخذ الحايط طابوكة طابوكة وبين الفتحات وبين الحوافي والله وطخ ايدي بشي جنه مثل الورق نوب مديت اصابيعي وسحبته
يا الله ولنه سفطة فلوس
ما كتفيت رجعت ادور وهم والكا سفطة ثانيه اخذت حقي وزيادة فوكهن فلوس الحجيه والحمد لله ما احتاجيت اكلب الغراض
انه ليش ما كلبت الغراض هسة يمكن تستغربون
خلال هدوئي هاي الفترة جنت اراقب الحجيه من تشتغل من تتحرك عسى ولعل تغلط وتكشف مكان مضمامهة
وجنت اشوفهة تحرك بغراضهة وفراشاتنه بسهوله ما تتردد معناه مو هناا مو يم الغراض
لذلك فكرت بالحايط لان كنتور ماعدهة
ايبااه شلون مضمام منو يفكر يضم فلوسه بالحايط
هههه ومنو يخطر اباله يفتش الحايط
واخذ الفلوس وطفر وروح اضمهن يم صاحبي دعير ورجعت كعدت يم خوالي جني ما مسوي شي كملت زيارتهة الحجيه ورجعنه للبيت وانه وياها والله وثاني يوم وتكب العيطه
أنت تقرأ
رحلة شتلات
Short Storyهل هناك نوعٌ مختلف من الحب غير الذي نعرفه فقد تعرفنا على حب المعشوقة منذ قديم الأزل عنتر صال وجال من اجل عبلة وروميو مثلوا حبه تمثيلاً من اجل جولييت وهناك العديد من العشاق والمعشوقين فهناك قيس ابن الملوح وهناك حمد وحبيبته نعيمة قصة من داخل الاهوا...
