قارئة الفنجان
فبرغم الحزن الساكن فينا ليل نهار
وبرغم الريح وبرغم الجو الماطر والاعصار
فالحب سيبقى يا ولدي
احلى الاقدااار
احلى الاقدااار
ياااا ولدي
شعر ( نزار قباني )
البارت الثالث
بقلم قمر الزمان 💋💋
العاشگ من ينچوي لا توگف گباله
ما يلوحك صوابه
انتضرتهم نامو وانه بكل هدوء دخلت فراشي ونتضرت الحجي يقفل وينام
انه اعرف بس يحسون بيه انهزم يحبسوني
يخاف الحجي من الفضايح والسمعه
وهية صارت صنطة وكمت على كيف لبست واخذت غراضي
مالكيت الجنسيه الظاهر الحجي عرف اكو شي انه ظامه الهم
ما بلازم ما احتاجهة
وطلعت
ظلمه هندس والهدوء قاتل بس انه داخل روحي حروب طاحنه ونار ما تطفه أبد
مشيت مشيت فتت من يم دربونتهم باوعت على بابهم وتذكرت طعم الشفة
وطول الگصيبه
والمشيه الحلوة
والوجه الحسن
وحلفت يم بابهم اله اعاقبهم الي فارگونه
وظليت امشي لا ساعه لا ساعتين وتكسيات تأشر ما وكفت سيارة
اريد امشي وطلع القهر الي بيه
وصلت كراج العلاوي وانه بس الحسبات تجيبني وتاخذني
وين اروح باي محافظة منو أليه
وكفت اسمع الي يصيح بصرة وعمارة وناصريه ذني المحافظات ميفيدني
الحجي عدة معارف وكرايب واصدقاء وبسهولة يلكاني
نجف كربلة حلة هم يكدر يوصلني
وين وين وين يا شتلات تضيع روحك وما يلكونك
وجان تجي الي تدليني الطريق
وكفت وصاح السايق موصل موصل
ولا يخطر ابالهم آنه بالشمال
توكلت على الله وصعدت وتأخرت يالله قبطت ليل ولي يطلع للسفر يطلع الفجر
وانه طلعتي صارت نص اليل
المهم تحركت السيارة وانه كل تخطيط ماعندي الطريقي طلعت بطرك روحي وشكم فلس امشي بيهن حالي جنت جامعهن
طريق طويل وسيارة ثكيله وكلبي هم البي اثكل من الجبال
وصورتهة من عيني ما غابت والقهر ياكل بروحي اكل
صدك وراحت مني
صدك وصارت نصيب غيري
عساها بحظكم وبختكم يا اهلي
أنت تقرأ
رحلة شتلات
Cerita Pendekهل هناك نوعٌ مختلف من الحب غير الذي نعرفه فقد تعرفنا على حب المعشوقة منذ قديم الأزل عنتر صال وجال من اجل عبلة وروميو مثلوا حبه تمثيلاً من اجل جولييت وهناك العديد من العشاق والمعشوقين فهناك قيس ابن الملوح وهناك حمد وحبيبته نعيمة قصة من داخل الاهوا...
