Coup Destiny(U)

53 10 0

by moeswaemaung_fool

by moeswaemaung_fool

" သပိတ် သပိတ် "

" မှောက် မှောက် "

" စစ်အာဏာရှင် ကျဆုံးရေး "

" တို့အရေး တို့အရေး "

" နိုင်ငံအလင်းပြန်ရဖို့ "

" CDM ကို အားပေးကြစို့ "

အူထွက်လာသောနားကိုပိတ်ကာ အသက်တစ်ချက်အောင့်မိသည်။ လှမ်းထွက်လာသောလူအုပ်ကြီးသည် အတော်များ၏။ ဤအချိန်တွင် ကိုဗစ်သော ဘာသောမသိကြတော့။ နေပူပူအောက် ခြေတိုအောင်လျှောက်နေကြသောလူများသည် အတော်ပင်ပန်းနေလောက်ပြီ။

သက်မတစ်ချက်ချကာ လက်ထဲမှကိုင်ထားသော ကျွတ်ကျွတ်အိတ်ထဲမှ ဖော့ဘူးများကို ထုတ်ပြီး ရှေ့ကဖြတ်လာသမျှ လူတိုင်းလက်ထဲရောက်အောင်ကမ်းပေးနေမိသည်။

" ကော်ဖီ ရောင်းလားဟင် "

အနားရောက်လာသည့် မိန်းကလေးတစ်ယောက်။ ခေါင်းတွင်ဆောင်းထားသည့် ဦးထုပ်အနက်ရောင်လေးကို ဆွဲချွတ်ကာ သူ့အနားလာမေးလေ၏။

" ရောင်းတာမဟုတ်ဘူး တိုက်တာပါ .. ခဏနော် "

လက်ထဲက ဝေလက်စဖော့ဘူးကို ဘေးရှိတစ်ယောက်လက်ထဲထိုးထည့်ပေးလိုက်ပြီးနောက် ဖော့ခွက်ထဲ ကော်ဖီတစ်ခွက်ဖျော်ပေးမိသည်။ ထို့နောက် ရှေ့က မိန်းကလေးလက်ထဲထည့်တော့ မိန်းကလေးက လှမ်းယူ၏။ တစ်ဆက်တည်းမှာပင် Mask ကိုချွတ်ကာ ကော်ဖီနွေးနွေးကို အေးသွားစေရန် တဖူးဖူးမှုတ်နေသော မိန်းကလေး။

" ခင် ... ခင် ဟုတ်တယ်မလား "

သူ့ထံမော့ကြည့်လာသည့် မျက်လုံးဝိုင်းဝိုင်းလေးများက အဟုတ်ကို ခင်ဖြစ်နေခဲ့သည်။

" ဘယ်သူ .. "

" ဖုန်း .. ထိုက်ထိုက်ဖုန်း လေ "

" မဟုတ်.. ဟင် "

" ဖုန်း ပါ "

ခင် အံ့ဩသွားလောက်ပါ၏။ သူက အရင်တုန်းကလို ခင့်သူငယ်ချင်းမလေး ထိုက်ထိုက်ဖုန်းမှမဟုတ်တော့ပဲ။ သူငယ်ချင်းယောက်ျားလေးဟု ဆိုသင့်သလား။

" ဟင် ... ဘယ်လိုဖြစ် ... ဖုန်း .. နင် တကယ်ကြီး .. နင် "

တစ်ချိန်က ခင်မင်ခဲ့ရသော မိန်းကလေးတစ်ယောက်ကို ချက်ချင်းလက်ငင်း ယောက်ျားလေးတစ်ယောက်အဖြစ် မြင်တွေ့လိုက်ရရင်ကော သင်တို့ ဘာဆက်လုပ်မလဲ။

#CoupDestiny