11 Disadvantages Of Having A Boyfriend Older Than You

DISADVATAGE NO . 1

ဆိုးကျိုး - (၁) : သင်၏ ဆိတ်ငြိမ်​အေးချမ်း​သောဘဝ​လေး တစစီပျက်သုဥ်းသွားခြင်း။

ရှားရှားပါးပါးရှုတင်နားရက်​လေးက အလုပ်ကြိုးစားသူ​ ဝမ်ရိ​ပေါ်ကို ဝမ်း​မြောက်စွာ ကြိုဆိုရှာသည် ။

တတီတီ မြည်လာ​သော နှိုးစက်​လေးကို ကြည့်မိ​တော့ 8:00 a.m ။
ခလုတ်ပိတ်ကာ ကုတင်​ဘေးက စားပွဲ​ပေါ်ကို ပစ်တင်၍ ခြေ​ထောက်နားထိ ​လျှောကျ​နေ​သော ​စောင်ကို ​ခေါင်းထိလုံ​အောင်ပြန်ဆွဲတင်လိုက်သည် ။

​နေ့လယ်ထိအိပ်မယ်စိတ်ကူးနှင့် ညကတည်းက မန်​နေဂျာ အစ်ကိုကိုလည်း မနက်စာလာမပို့ရန်ကြို​ပြောထားသည် ။
လိုက်ကာအပြည့်ချထားသည့် သူ့အခန်းတွင် ပြင်ပအလင်း​ရောင်ဟူ၍ မရှိ ၊ ​ဘေးပတ်ဝန်းကျင်ကလည်း အပ်ကျသံမရှိ​အောင် တိတ်ဆိတ်​နေသည် ။
နှစ်​ယောက်အိပ်ကုတင်ထက်မှာ ​စောင်နဲ့ လုံး​ထွေး​နေတဲ့ရိ​ပေါ်ဟာ မိနစ်ပိုင်းအတွင်း အိပ်မက်ကမ္ဘာထဲပြန်​ရောက်သွားရှာ​လေတယ် ။

.

​မနက်ခင်း​နေ​ရောင်​နွေး​နွေးရဲ့အထိအ​တွေ့​နဲ့အတူ သူ့ခါးကို လက်သွယ်သွယ်တစ်စုံက ​ထွေး​ပွေ့လာ​လေတယ် ။
မျက်လုံး​တွေက မဖွင့်နိုင်​ပေမဲ့ ထိုသူဟာ သူ့ပုခုံး​ပေါ် ကို ထိုသူက ​ခေါင်းနဲ့တိုး​ဝှေ့​နေ​ကြောင်းကို သူသိ​နေတယ် ။
ရိ​ပေါ်မျက်လုံးဖွင့်မကြည့်လည်း စိတ်ကအလိုလို မှန်းဆမိတဲ့ ဒီအထိအ​တွေ့ပိုင်ရှင်က သူ့လည်တိုင်​တွေကို အနမ်းဖွဖွ​ပေးလာတယ် ။

"ကျန့်..​ကော... "
ခပ်ဖွဖွ​ရေရွတ်​တော့ ထိုသူက သ​ဘောတကျရယ်ပြန်တယ် ...။
တကယ်ပါ ထိုသူ့ရဲ့ ရယ်သံက ရိ​ပေါ့်အတွက် မြတ်နိုးစရာပင် ...။
ဟင်း! ရယ်သံတင်မကဘူး အရာအားလုံး ​ရှောင်းကျန့်ဆိုတဲ့ထိုလူသားနဲ့ ပတ်သက်သမျှ ရိ​ပေါ်ဆိုသူက မြတ်နိုးရပါတယ် ။

လည်တိုင်ကို စိတ်ကြိုက်ခြယ်လှယ်ပြီးမှ ထိုသူက ရိ​ပေါ့်နားဆီကပ်သွားပြီး တိုးဖွဖွဆိုပြန်တယ် ။
​" အချစ် ~~ အိပ်ရာထ​တော့​လေ~~~ ကိုယ်မနက်စာပြင်ထားတယ် ~~~" တဲ့ ။

ချိုချိုမြမြ သြရှရှအသံ​လေးမှာ ရိ​ပေါ့်နှလုံးသား​လေးဟာ မီးမြိုက်ခံရတဲ့ ဖ​ယောင်း​လေးပမာ အရည်​ပျော်​နေရှာတယ် ။
အားလပ်ရက်​လေးမှာ အိပ်ရာထဲအပီအပြင် ဇိမ်ယူချင်တဲ့ ဝမ်ရိ​ပေါ်​လေးဟာ တ​တောက်​တောက်နဲ့ အရည်​ပျော်ကျ​နေတဲ့ သူ့ရင်ဘတ်ထဲက အ​ကောင်​လေးကို လျစ်လျူရှုရင်း "ဟင့်အင်း!"
ဆိုပြီး ထိုလူသားကို ဂျစ်တိုက်ရင်း အပျင်းတစ်​နေ​လေရဲ့ ။
သူ့ငြင်းဆိုမှူ​ကြောင့်လားမသိ သူ့ခါး​ပေါ်က ထိုသူ့ရဲ့လက်​တွေက ပိုတင်းကြပ်သွားပြီး သူ့မျက်နှာအနှံ့ကို ခပ်ဖွဖွအနမ်း​တို့​ပေးရင်း ​နှောင့်ယှက်​​နေလေရဲ့ ။