البارت الحادى عشر
كانت كل من نسمه ومنه يراجعوا فسوف يتم تسليم الورق
المراقب: الكل يتاكد أنه كاتب اسمه وأنه مش سايب سؤال
ثم بعد انتهاء الوقت تم تسليم الامتحان ليخرج كل منهم وهو يقول
نسمه: الحمدلله انا مسبتش سؤال فاضى وكم سؤال كده عملته كله بالحب هههههههه
منه : وانا كمان ربنا يستر ويعدى ام الامتحانات دى على خير
نسمه : طب يلا لحسن العمده واقف بره زمانه تعب
ثم يتجهوا إلى الخارج لترى هذا التجمع من المصورين وهم ينهالوا عليهم بالاسئله
نسمه : منه الطرحه مظبوطه
منه: اه بس ليه
نسمه : هروح اعمل تقرير صحفى وأتصور واصيت نفسى وهصيتهم ههههه
منه قبل أن تذهب نسمه تمسكها من قفاها وتقول لها يلا العمده واقف
نسمه : سبينى دى فرصتى استنى بس واطلع فى اليوم السابع
منه : يلا يا نسمه بقى
نسمه: خلاص يا ستى رقت السلام يا سابع
عماد : طمنونى الامتحان كان كويس
نسمه: والله يا عمده انا مش عارف انا لقيت كلام كتير كبير على مخى بس متخفش بنتك هتبهرك
عماد : يبقى ربنا يستر
وانتى يا منه
منه: انا الحمدلله دعواتك يا عمو
ويأتي من خلف كل من نسمه ومنه
نسمه : ايه الضلمه اللى حلت فجأه دى
فكان من طوله يا ساده يعطى ضل أمامهم
لتلتفت منه وتقول : سيف انت بتعمل ايه
سيف : ازيك يا استاذ عماد
عماد : اهلا يا سيف يا بنى انت تعرف منه
نسمه بصوت خافت لا يسمعه احدا ولكن هذا السيف سمعه: ما ده اخوها البارد
سيف وهو يبتسم: انا اخو منه
عماد : صدفه حلوه يا بنى
وبعد كلام كثير اصر سيف على ايصالهم ووافق عماد
كانت منه ونسمه يجلسوا فى الخلف ويتحدثوا وهناك من يستمع اليهم
نسمه:انا مش مصدقه أن فاضل اسبوعين واخد الاجازه واغنى اغنيه اللمبى واقول انا خلاص خدت براءه انام واصحى على رواقه هههههه
منه : يااااه يا ام طلااااال ده انا ما هصدق اقعد على مسلسلات الكورى والتركى
ليقطع عماد الصمت ويسأل سيف
عماد: قولى يا سيف يا بنى انت عندك كام سنه
سيف :٢١ واخر الشهر هتم٢٢
عماد : ما شاء الله انت فى كليه الهندسه مع شغف بنتى صح
سيف: صح
ليكمل عماد التعرف على سيف وحديثهم وضحكهم
فى لندن
احمد يتصل برسيبشن الاوتيل
احمد:I want to book a flight tomorrow to Egypt( اريد حجز موعد طيران غدا الى مصر)
الشخص : okay , I will book for you( حسنا انا سوف احجز لك)
ثم يتجه لتوديع لميس
احمد: جاى اقول سلام عشان راجع بكره
لميس : شكرا يا دكتور انا تعبتك معايا
احمد: ده واجبى
احمد: مش ناويه ترجعى مصر
لميس وتسرح لتقول : قريب وقريب اوووى كمان
احمد لنفسه: ايه اللى مخبياه يا لميس
يتركها احمد ويذهب ليجهز شنطته
فى منزل سيف
جاء اتصال إلى جميله لترد
جميله : الو ازيك يا يوسف وحشنى اوووى
يوسف : وانتى كمان اخبار الواد سيف والبت منه
استوب
(يوسف حازم : اخو جميله يعيش فى دبى ويملك ابنه واحده )
جميله : مش ناوى تنزل بقى
يوسف : كنت متصل اقولك ان بعد اسبوعين هكون هنا انا ونيره
جميله : تنور يا يوسف
يدخل كل من منه وسيف
جميله : عملتوا ايه
سيف : خلاص كده انا خلصت اخر امتحان ادعيلى يا جوجو
منه : وانا خلصت اول امتحان هههه
جميله : ربنا معاكوا ويجعلكم من المتفوقين
ثم تخبرهم بأن خالهم قادم لتقول منه ....
اتمنى تكونوا مبسوطين بالرواية❤️
منتظره تعليقاتكم ومتنسوش تعملوا متابعه عشان تكونوا اول ناس تقرأ الروايه ومتنسوش التصويت بالضغط على النجمه
# كتابه _ روان _ السيلى
