#أبي_لم_يكن_إنساناً
البارت السادس والعشرون
للكاتبة لبنى الموسوي
همام.. يلا ابني أسمك الثلاثي وعنوان سكنك
- سمير محمود دحام - بغداد سيدي
- أي سمير احچيلي
كيف تمت عملية سرقة المطعم من قبلك انتَ وجماعتك
- كيفلك الله سيدي بريء
اني ما سرقت ولا بـ عمري مفكر بالسرقة والله العظيم
- هو يا هو اليجي ويوگف گدامي
يگول اني بريء
محد يعترف بذنبة ولو الأعتراف بالذنب فضيلة مو صح
- صح سيدي
بس اني لو مسويها احچي ما اخاف والله العظيم بريء
- أبني لتحلف ما احب واحد يحلف حتى لو كان صادق
مخلد.. اسمحلي شوية همام
اي سمير سولف شلون تم القاء القبض عليك وليش ؟!!
- چنت سهران ويا جماعتي بـ بيت صديقنا إياد
مجتمعين نتابع مبارات كرة قدم
ولأن تعادلوا صارت اشواط نهائية بعدين ضربات جزاء لحد ما تأخر الوقت واحنة ما حاسين
صارت الوحدة طلعنا من يمة
جماعتي بيتهم قريب فـ وصلوا قبلي بـس انـي ظليت اتمشى وحدي وتعرفون اكو حظر هيچ وقت
مخلد.. اي نعرف كمل تمشيت وبعدين
- اي سيدي قريب ما أوصل للبيت
انتبهت على حركة غريبة يم المطعم الـ براس شارعنا
باوعت من بعيد أثنين ملثمين ديسرقون المكان
وقناني الغاز كلها برة
صاحب المطعم أعرفة جيراني وصديقي بنفس الوقت حتى چنت أكل عندة بـ استمرار
لذلك متحملت اشوفة ينسرق واظل ساكت
هجمت عليهم اصيح
وتعمدت هالشي لأن خفت لا اباغتهم ويطلعون شايلين سلاح يأذوني بي فـ گلت يشردون من الصوت
مخلد.. وصار هالشي !!
- لا سيدي ما شردوا بالعكس تهجموا علية
واحد منهم طلع من جيبة سچينة صغيرة وجههة علية ويهدد يا انسحب من المكان يا يضربني بيها
همام.. وما گدرت تتعرف على واحد منهم
- لا سيدي لأن چانوا ملثمين
والشارع هم اظلم كلش حتى أصواتهم غريبة ما اتصور سامعها من قبل مبينين مو من المنطقة
- خوش يلا كمل شصار بعد رفع السلاح
- ما گدرت انسحب ضميري ما سمحلي سيدي
رجعت ليورة اتجادل وياهم
گلت بلكي واحد منا منا يسمع الصوت ويجي يساعدني لحد ما الله فرجها واجت الدورية
هم بس سمعوا صوتها شردوا بلمح البصر
بس اني عادي
ظليت واگف وليش اشرد ممسوي شي بالعكس فرحت بجيتهم بالوقت المناسب قبل لتصير السرقة
همام.. ومن شافوك واگف والمطعم مفتوح لزموك بتهمة السرقة
سمير.. بالضبط سيدي هذا كل اللي صار
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
