#أبي_لم_يكن_إنساناً
البارت السادس
للكاتبة لبنى الموسوي
بِسْمِ اللَّـهِ الرَّحْمَـٰنِ الرَّحِيمِ
{ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ ۚ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ ۚ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ ۗ وَمَا اللَّهُ بِغَافِلٍ عَمَّا تَعْمَلُونَ}
صَدَقَ اللهُ الْعَلِيُّ الْعَظِيْمُ
حسيت روحي بـ لحظاتي الأخيرة
صرت أفكر بـ أخواني شيسوون لو متت وعفتهم
ما احس إلا الباب انكسر وطب عمو محمود صاح بكل صوتة لككككك رزااااااااااااق
باوعت علي بصدمة
ومثل صدمتي بابا انصدم واكثر
ظل صافن بوجه عمو لا ياخذ ولا ينطي لحد ما عاط بي مرة لخ
- رزاق شلون تالي وياك ؟!!
شوكت تبطل من حقارتك هاي وترحم هالجهال شوية
- ليش أذيت جهالك وما ادري بنفسي ؟!!
- لتغشم روحك رزاق
عوف الطفلة بحالها لا تصير وياك مو خوش صدگني
- ومن شوكت انت تحاسبني على تصرفاتي ويا جهالي شنو صرتلي حامد *******
بس حچاها دفر عمو الباب حيل
صعد ع الكرسي نزلني وفتح الربطة عن حلگي
دنگ ديفتح بـ أيدي أنصدمت بي من گال الشي المحد يعرفة غير بس اني وأبوية
- والله العظيم رزاق
وتراب أبوية وحامد الي لسة ما يبس
اذا عرفت انت الك أيد بمقتلهم ساعتها محد يخلصك مني وراح اكتلك بنفس الطريقة الماتوا بيها
باوعت الباب علامات الصدمة انرسمت على وجهة
فجأة التفت علية خازرني بحقد
مثل الگاعد يوجهلي أتهام بالشي السمعة هسه من عمو
أنهز داخلي من الخوف
نزلت راسي مثل المذنب اكيد شك اني حاچية بجريمتة لذلك ديباوعلي هالشكل
فزيت على صوت عمو محمود صاح أم صااااااااالح
چانت واگفة بالباب دخلت تركض نعم خوية
- أخذي طيبة غسليلها وخلي عينچ عليها
اذا هالحيوان مد أيدة عليها مرت الثانية بس گوليلي
- شنو محمود ناوي تخربها بيناتنا بعد هالعمر
- أنچب عاااااااار
- ليش دتغلط ولكككككك لو تعلمت من حامد النگس
هو حچاها لو عمو تخبل
طفر علي لزمة من ياختة وحط بي بوكس
اجة بخشمة عدل وراها لزمة من رگبتة خنگة ورجعة ع الكرسي
- لكككككك ماكو غيرك نگسسسسس
وهسة أسمعني زين قبل لا يصير موتك على أيدي
طيبة راح تداوم ومتبطلها من المدرسة حتى لو صرت تزحف على رجليك وتحتاج واحد يشيل حاجتك من جواك
هاي اولاً....
اما ثانياً جهالك رحمة ورحيم
أيدك هاي النگسة اذا انمدت عليهم اكسرها الك
بعدين اجيب الطبر
هيچ اااگطعها واعلگها برگبتك بدل هالزنجيل الخلصت عمرك لابسة للفيكة
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
