#أبي_لم_يكن_إنساناً
البارت الرابع والأربعون
للكاتبة لبنى الموسوي
ولو اِفترقنا ألف عام
سَـ تتذكرني بِـ تاريخٍ هامٍ كان بيننا
بـ مقطوعةٍ اِعتدنا سماعها أو فيلماً قديماً شاهدناه معاً
سَـ تتذكرني بـ وقت مُعين تَعوَّدنا الكلام بهِ أو كَلِمة اِعتدت سماعها مني
سـ يُذكرك بي كل شيء المقاعِد الفارغة، رائحة القهوى، أمواج البحر، لحظات الغروب
سـ تتذكرني حين ترى النجوم ليلا ،ً، أو حين تمُر عليك ليلة باردة تُشعرك بالوِحدة
سَـ تتذكرني دون قصدٍ منك، لأكثر من سبب، وبـ أكثر من طريقة 💔
- يعني ظلي هنا ولترجعين ويا مؤقتاً
اختبري روحچ تگدرين بدونه لو لا خلال هالفترة
واذا حسيتي بـ نفسچ تعبتي وردتي ترجعين لأن تردي الـ همام ساعتها اني بـ راسي اخذچ اله
صفنت علي مستغربة كلامة ليش هيچ ديحچي ؟!!
عبالك همام واگف گدامي
اثنينهم نفس التفكير يتصورون مشاعري مجرد مشاعر مراهقة ممكن ابسط شي يأثر عليها وينهيها
يربي معقولة هم الصح واني الغلط
معقولة حبي الـ همام فعلاً حب تعلق ويطلع الحق وياا يوم الاستهزأ بـ مشاعري وگلي هاي مرحلة وتمر
- ليش ساكتة احچي
- شـ احچي صالح اني متأكدة من مشاعري لأن اعرف
- لتكملين طيبة اترجاچ لتكملين
اذا عندي ذرة معزة بـ داخلچ سوي اللي گتلچ علي
يعني بكل الأحوال انتِ مخسارنة شي
هم تشبعين منا ونشبع منچ شوف وبنفس الوقت متأكد راح تتخلصين من هالمشاعر الما اگدر اسميها حب
- خلي نگول وافقت تتصور همام يقبل يبقيني يمكم
- انتِ بس وافقي وخلي الباقي علية
- شلون بعني
- اني احچي ويا وراح يوافق ليظل بالچ تعرفين بهمام
- صفنت علي والله اني مو گد هالبعد اعرف بنفسي زين
- ها شگلتي يمعودة
- تمام صالح تمام
شنو يعني افهم من كلامچ راح تظلين هنا
- اذا همام قبل أي ابقى
- بس حچيتها گمز من مكانة صار گدامي مبتسم شكراً طيبة شكراً لأن مرديتيني وان شاء الله مراح تندمين
- ليش شـ تعرف اني اگدر اردك غير انتَ اخوية الوحيد
- بلع الكلمة بـ ابتسامة
يلا خلينا ننام تأخر الوقت كلش واني وراية دوام باچر
- اي اني هم نعست كلش... تصبح على خير
- وانتِ من أهل الخير
انتظرته يروح
بس دخل الـ غرفتة رحت الغرفة عمة نهاية
طبيت لگيتها نايمة بالطرف ورحمة بصفها تمشيت على أطراف اصابيعي ما اريد اگعدها خطية مبين تعبانة
سحبت رحمة من يمها للطرف الثاني ونمت بالنص
رفعت إيدي لزمت إيد رحمة
والثانية خليتها على راس عمة نهاية بقت عيوني تدور بيناتهن ممصدگة اني نايمة يمهن لحد ما غفيت
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
