#أبي_لم_يكن_إنساناً
البارت الثامن والثلاثون
للكاتبة لبنى الموسوي
همام.. ما اعرف شلون غفيت بحضن طيبة من التعب
گعدت الفجر على كابوس
استغفرت ربي وگمت صليت باوعت للساعة المشكلة بعد وكت يعني كل شي ما اگدر اتصرف لو تحركت هسة
ظليت اقرا قرأن لحد ما طلعت الشمس
بدلت ع السريع ونزلت
داشرب ماي لگيت خديجة بالمطبخ گاعدة على الميز وتبچي
خطية ما حست علية من دخلت للمكان
تقربت منها مسحت على شعرها فزت من الخوف
بس شافتني گدامها انهارت
گومتها وبست راسها كافي لتبچين وداعتچ اليوم بتول تنام بـ حضنچ
- شلون همام
شلون راح توصل الهم وانتَ متعرف أي معلومـة عنهم
- خليها علية والچ مني وعد
ما ارجع اليوم للبيت إلا وبنيتي بـ إيدي حتى لو انجبرت أنام بالشارع
- واني متأكدة أخوية گد كلمتة
بس الله يخليك استعجل احس گلبي يريد يوگف كلما أفكر هيَّ بـ إيدهم وهمَ ولد حرام لا شرف ولا ضمير
- انتِ بس ادعي وخلي الباقي على رب العالمين وعلية
- ونعم بالله... دتعال اگعد هنا دقيقتين والريوگ يجهز
- لا وين يمعودة ما اگدر لازم اطلع حالاً
- مو هيچ تتعب
- ليش لسة ما تعبت عموماً لتشيلين همي المبلل ميخاف من المطر تعودت على هالتعب يلا مع السلامة
حچيتها وطلعت ع السريع
شغلت السيارة وبوجهي للمقر فتحت الباب مخلد گاعد على مكتبي !!!
السلام عليكم هاي شجابكم من الصبح صاير شي جديد
- وعليكم السلام
همزين اجيت بالوقت المناسب توني ردت اتصل عليك
- بشر عرفت شغلة تخدمنا ؟!!
- اي غير الليل كله ظليت گاعد ابحث عن صاحب الرقم والحمد لله ما ضاع تعبي وگدرت اوصل الة
- اي يا الله منو هذا ومنين نعرفة لا احچي بسرعة
- يمعود انطي صبر شجاك لا للأسف منعرفة واحد فقير من أهل الله ومالة بـ هالسوالف
- شلون يعني
- يعني اكيد الجماعة مستغلي ومسجلين الرقم بـ أسمه لأن يدرون وضعة تعبان واذا وصلنا اله مراح نحصل منه لا حق ولا باطل
- اترك هالكلام كله وحاچيني تندل مكانة وين بالضبط
- اي طبعاً اندل
- گوم ع السريع خل نروحلة
- شتسوي رايح الرجال بنص عقل شتگدر تحصل منـه
- مخلد گوم ولتدوخني
- گايم يابة ولو ما اتصور روحتنا هاي راح تفدينا بشي
طلعت قبلة انتظرة يم السيارة حتى يسوق بـ مكاني
شوية ولحگني
ما عولت نوصل للمكان اشرلي ذاك دتشوفة
باوعت فقير يسترزق بالتقاطع سألتة شيصحولة جاوب مختار الخبل لأن عقلة نص ونص
- فتحت الباب ونزلت اركن السيارة والحگني مخلد
- انتظر نروح سوة
- يمعووود تعال وراية ما عندي وقت واستعجل شوية
أنت تقرأ
أبي لم يكن إنسانًا
General Fictionالأثار التي على جسدي هيَّ من أوصلتني إلى ما أنا عليهِ الآن أنا تلكَ الطفلة التي كبرت قبلَ أن تكبر أنا تلكَ الطفلة التي أصبحت امًا لِـ طفلين وهيَّ في السابعة من العمرِ فقط أنا من قالَ عنهُ الله في محكمِ كتابهِ العزيز ( فأما اليتيم فلا تقهر )....
