السلام عليكم ✋🏻
{ياعزتي للي حزونه كايده ماهي بقده } هذي الرواية ياحبايبي ماهي من ذا الزمن وابطالها ماهم من ناسه لا لا هي من الزمن اللي كانو فيه القرايب حبايب ماهم عقارب من زمن الناس فيه قلوبهم على بعض اييه اكيد عرفتوه ذاك الزمان البعيييد البعييد اي...
وقف ذاك الفرس عند غار ونزل منه ذاك الفارس وبيده غنايم ولما دخل استقبله بنت عمرها حول الست سنين وولد عمره ٥ سنتين البنت : ذيااااب انحنى لها الفارس ونطق بصوت عذب وهو يرفعها ويمسك الولد بيده الثانيه : ارحبي يانوت الحسن نوت : سلمت ياذياب الا بشر يارب جلعود وربعه مادلو لك درب؟ ذياب : ابك يانوت انا ذياب بن عقاب يعقبون مادلو دربي ! نوت : بس جلعود وربعه شر وانا اختك شررر مغير ينهبون العربان ويقتلون اهلهم ولاتنسى انك ياذياب مشعلها معهم كل مانهبو العرب جيت ونهبتهم ولاقدروا بك ذياب بتنهيدة : اني خابر اني خابر ولف على الولد : وانت ياغيهب ماعندك كلام تصجني فيه بعد ؟ ولا كفت عنك نوت 😂 نوت بوزت ذياب : تعالي وانا اخوك تراني امزح مغير جلست جنبه وبدا غيهب يتكلم : ذياب متى بركب العيطموس؟ ذياب : على ذا الخشم بس ناد لي بخوت قام غيهب الفرحة ماهي سايعته ويرفع صوته : بخوت بخوت جتهم بنت هيفاء كل الحسن تجلا في هيأتها عيون نجلاء وشعر يصل لنهاية ظهرها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عمرها ١٧ بخوت : بشرني عن اللي جرا ذياب : ماجرا الا كل خير بجيب غنايم اللي طلعت بها من جلعود وربعه وجهزي العيش على ما اجي بخوت : وانت مثل العاده بتجلسين تناقرينهم ذياب : انهم سفهاء اجل عصابة ماقدرو على واحد ؟! ابروح وبجي نوت ساعدي اختك نوت نطت : ابشر رجع ذياب ومعه جلود وسلاح وخيمة عطا نوت الجلود و البارود تدخلهم في زاوية من الغار حاطينها زهاب وعزب {يعني مخزن بالعربي 😂} وحط السلاح في مكانه وجنبه الخيمة ودخل الخيمة اللي فيها بخوت : من حسن بختنا يابخوت لقيت عند جلعود خيمه واضح توها جايه وشوي من ذكاء اختك قدرت اجيبها بخوت : اني خابرة ياتوق انك ذكيه وشجاعه وابوي الله يرحمه ما قصر معنا كان فارس وفارسٍ ماهو بسهل وعلمنا ودربنا خاصة انتي اللي كنتي تأنسين المبارزة والصيد لدرجة انه علمك اسلوبه بالمبارزة بالخنجر اللي مافيه في القبايل كلها من يعرفه ! وشوفي وش سوى ذياب اللي هو انتي بجلعود وربعه لو دروا ان اللي معزريه بهم بنت وش بيسون 😂 بتروح هيبتك توق : الله يرحمه انا اشهد انه فارس وعزة نفسه وشاهمته ماهي قليلة وشيخ ابن شيخ ولولا قليلين الرجا كان ماتوفى الا بين اهله وعشيرته وكنا اللحين بين ناسنا ولكن لافات الفوت ماعد ينفع الصوت وكرامة ابوي اللي صانها في حياته ماحنا مهدرينها في مماته ! بخوت : الغدا ياتوق توق بعد ماكشفت عن شعرها الحريري اللي يصل لركبها غير جمالها الحاد عكس جمال بخوت الهادي ونوت الفاتن وفكت الملابس اللي لابستها على كثرها عشان ماتبين معالم جسمها واكتفت ب
