عزتي للي حزونه كايدة ماهي بقده

ضاق بي الخاطر واعتلاني الحنين

وصلنا ⬇️
سمعت قوت كلامهم من البدايه يوم درت (عرفت) انهم اللي كانوا مع خلاوي ولد جلعود تملكها الخوف اللي سرعان ما اختفى يوم عرفت بحالهم واللي هم عاشوه ووصل عندها التأثر منتهاه يوم سمعت ابيات الشعر اللي قالها رماح ربطت القرب وحطتها على ظهر (السلمى) وترددت قبل تشد اللثام وتطلع لهم : انا...

قوت : السلام عليكم ياوجيه السعد  ➡️ بنفس الصوت اللي حاولت تغيره بس مانفع باقي عذب
رماح ووضاح : وعليكم السلام آمر ياوجه الخير
قوت : والله وانا ارتوي (اشرب) من الغدير سمعت كلامكم وانا بيدي حل مشكلتكم
رماح : حل مشكلتنا؟
قوت : ايه مشكلتكم اما انتم تبون تخرجون من جلعود الشر وربعه؟
وضاح : الا بالله نبي ( نريد)
قوت : أجل حلكم بيدي بس ابي اعرف سالفتكم من البداية عشان ازين اوضاعكم
رماح بشك : وحنا وش يضمنا بك ؟
قوت بثقة : لكم عهد من الله اني احل مشكلتكم باللي اقدر ولا اكتمها كأني ما عرفت وذا وعدٍ علي ووعد الحر دين عليه
رماح : وش يقالك ؟
قوت بتردد: بن جلوي
وضاح : والنعم
قوت : ماعليك زود
رماح : بتقدر تعاونا؟(تساعدنا)
قوت : بئذن الله
وضاح بتنهيده : قله(قل له ) السالفه يا حصيني قله ماهو ضارنا شي الرجال واعدنا انه ماهو ناقل الحكي عنا ( ينقل كلامهم)
رماح : على قولتك ماهو ضارنا تريح يابن جلوي تريح (يدعوه للجلوس ) وبتنهيده : ياطويل العمر السالفة لها حول ال20سنه (حول=تقريباً) انا رماح بن بارق وذا اخوي وضاح  بن بارق
يوم صار الحدث كنا ماتعدينا الخمس سنين وهذي هي الحياة مرت وانا ذلحين (الأن)٢٣ ووضاح ب٢٠ فما نذكر من اهلنا وقبيلتنا الا قليييل حتى امي وابوي تصدق اني ما اذكر الا عيونهم وإبتسامتهم وكم كلمة بصوتهم ! اما شويش مايذكرهم ابد بس الوكاد (الاكيد) اني انا وشويش ولاد شيخ بن شيخ كان ابونا رحمة الله الله عليه الشيخ بارق واذكره للحين وهو يرجع من الغزوات والقبيله تحفل به هو وعماني الاثنين لانهم كانو فرسان القبيله واستمر الحال لين في فتره من الفترات صارت مشكله بين واحدٍ من عماني والقبيلة وصعب الوضع على ابوي لين خيروه القبيله انه يترك المشيخه لولد عمه ولا يطرد عمي اللي تمشكل معه برا (خارج ) القبيلة وولد عم ابوي كان ابو وجهين مايعرفه الا من عاشره زين مثل ابوي واخوانه كانو عارفين بطروقه العايبه (الاعيبه) وطمعه وانه كان طامع بالمشيخة من زمان وابوي من حبه لأخوه قرر انه يتنازل عن المَشْيَخَة وقبل لاينشر الخبر للقبيله درابه (علم به ) عمي اللي تمشكل مع القبيله وحلف على ابوي وانه من بكره شاد رحاله وراحل (مجهز اشيائه ومغادر القبيله) حتى لو تنازل وقال: <انا يا اخوك بديرة ما انت بشيخها مالي قعده >واقنع ابوي انه يغير رايه (رأيه) ورحل عمي ورحل معه عمي الثاني لان ماهو صابر واخوه بلا سند وعلى روحتهم استمر الوضع كم شهر لين تدهورت صحة ابوي من حزنه عليهم وقلة حيلته وفي ذي الاوضاع كان ولد عم ابوي هو اللي يدير الاوضاع بالقبيله بما ان شيخهم تعبان (مريض) وجلسنا كم شهر وابوي ينازع الموت لين اراد الله ياخذ امانته وبعد ايام العزا الثلاث جانا ولد عم ابوي يكلم امي من ورا ستار الخيمه : يامرة (حرمه) انتي .....