عزتي للي حزونه كايدة ماهي بقده

إختيار !

لا اله الا الله

وهو يقول
يا راعي الفزعه والجمايل
جيتني وانا عنك اكفيك
بح لي الحال اللي لك يكايل
وحنا لوعدنا نوفي ونرضيك
تسارع نبضات قلبي من اللي سمعته اكيد انه عرف من انا
فلفيت عليه وقلت :
تسلم وافي ومجمل يابن رشدا
ضاوي : سلمك الله ، انت ضيف ولزوم نقوم بواجبك و
قاطعته قوت : والله اني على عجله بس ماجيت الا ومعي علمٍ خطير
ضاوي بتعقيدة حواجبه : ياكافي الشر وش العلم اللي عندك
قوت : تذكر العرب اللي صوبوا خويك يوم المقناص ؟؟
ضاوي : ايه خلاوي الهلامه ماغيره
قوت : الله الله
ضاوي : وش اللي جاب طاريه اللحين ؟؟
قوت : كتب الله اني اسمع اثنين من ربعه يتجادلون مترددين
ضاوي : بإيش مترددين
قوت : ينفذون أمر خلاوي
ضاوي : وانا وش لي بالسالفه ؟؟؟
قوت : ان انت اساسها ما أمره الا انهم يقودون لهم كم فارس ويغتالونك على غدر
ضاوي بإستهزاء : وكنهم بيقدرون !
قوت : الخسيس ما ارسل لك فارس ولا اثنين والكثره تغلب الشجاعه
ضاوي : كم هم خمسه ؟ ثمانية ؟؟ عشره ؟! بقدر بهم
قوت : لو انها كذا بسيطه مرسل لك ٢٠ فارس من خيره فرسانهم
ضاوي : وهو معهم ؟؟
قوت : بتفتكر هلامة مثله بياخذ ثاره بنفسه ؟؟؟
ضاوي بسخريه : يعني مرسل فرسانه بدونه 😒😂
قوت : ما علينا منهم انا دبرت لك الحل
ضاوي بتفاجئ دبرتي لي ؟؟؟!
قوت : ايه
ضاوي : كيف
قوت : شفت الاثنين اللي كانوا يتجادلون ؟ ذولا اخوان ووراهم قصه
سمعتها وعساني اقدر احلها بس موجز الأمر انهم مجبرين يجلسون عند جلعود ويخدمون ولده لانهم تربوا عنده من الصغر ولا يعرفون اهلهم ولا يقدرون ينضمون لقبيله لانهم اذا دروا انهم من ربع جلعود رفضوها متقين شر جلعود فإتفقت معهم يأخرون خلاوي كم يوم ولا المفروض انهم اليوم جايينك فإحتمال انه بكره ولا بعده بينفذ صبر خلاوي فباخذ برأيك وش رايك نتغدا بهم قبل يتعشونك ؟؟
ضاوي : ونعم الرأي
قوت : اجل اسمع وان وافقت برجع من حيني للإثنين فوعدنا الليله وانقل لهم اللي بتقوله
وبدت تشرح له الخطة
اعجب ضاوي بفكرها وفطانتها
ضاوي : شورك وهدايه الله قل لهم اللي بقولك واشرح لهم الخطة
قوت : لاتوصي بس لي مطلب عندك
ضاوي : قل اللي عندك
قوت : الاثنين اللي بينفذون معنا بعد اللي بيصير بيصيرون ملاحقين من ربع جلعود وانت عارف شرهم ولا احد من القبايل بقابلهم وهم ما يعرفون اهلهم عشان يروحولهم طلبتك انك تضمهم لآل رشدا وتجيرهم (تحميهم) ما اقدر اسوي اللي جيت عشانه وانا ادري انهم بيكونوا له ضحايا
ضاوي بتفكير : انت تدري اني ماني بالشيخ صح ؟
قوت : ايه بالله وادري بعد انك اللي بتخلف خالك بالمشيخة
ضاوي : ان كنت تبي لهم الأمان فمابه الا طريقة
قوت : وشهي ؟
ضاوي : انك انتي وجلوي وذرب تجون معهم على انكم عيلة واحده
لين يمر وقت وأهل القبيله يأمنونهم وبعدها يمديكم تسوون اللي تبون
قوت : مابه طريقة غيرها؟؟
ضاوي : هذا اللي اقدر به عشان لو دخلتهم والقبيلة تعرف انهم من ربع جلعود وكاد انهم بيتأذون هذا ان ما استهدفهم خلاوي وابوه بعد ماتنتشر الأخبار اما ان كنتم عيله فمحد بيشك
قوت : تقدر توعدني وان رفضنا نجي معهم انك تستظيفهم بعد ماينتهي اللي بيصير لكان شهر
ضاوي : أوعدك والوعد دين على الحر
ركبت السلمى وقالت : فمان الله لزوم اروح ذلحين عشان أوصل أبلغهم
ضاوي : في امان الله والله يقويك ويهمس لنفسه : يا ان عيونها يطيح تحتها حتى المطاوعة
——————-
جالس بالمجلس بعد ماغادروا اهل القبيله بما انه الشيخ فكانوا يجتمعون عنده همهم بغموض وهو يقول : همم ذياااب ؟ ذياب بن عقاب اجل <ولاحت ابتسامه غامضة على شفاهه > يامحاسن الصدف
———-
السلام عليكم
كيفكم؟؟
أسفه ادري اني تأخرت عليكم وان البارت بسيط بس نزلته حتى وان
وايه صح عوداً حميداً
كيف اوضاعكم والدراسة حضوري ؟؟ بشروا ؟
ويمكن في الأسابيع الجايه ما التزم بموعد متى ما كتبت بارت نزلته