توق : باكر العصر بنروح وبنمسي عندهم مدري نجيكم بعدها ولا نمسي ليلة ثانية ؟
بخوت : بتطولون اجل غريبة
توق : ايه خل الغيهب يستانس معهم ويغير جو مغير جالس معنا دايم يجلس مع ولد عمته ويسولف معه
بخوت : ايه ودي لو ان ابوه ظل وماخذاه الموت مثل ما اخذ ابوي
توق : الله يرحمهم الله يرحمهم المقدر وانا اختك مامنه مودر وهذا مكتوب لهم ولنا
في قبيلة من اقوى القبايل يقال لها قبيلة آل هذال
جالس في صدر المجلس بلبسه المختلف عن كل الحضور ثوب اسود ياقته مطرزه بالذهب وفوقها مشلح اسود اكمامه مطرزه بنقوش ذهبية معطيه فوق هيبته هيبة صدره العريض وكتوفه المستقيمه أنفه اللي كنه سلة سيف ولا تنسون عيونه الكحيلة الحاده لونها بسواد الفحم وشعره البني يوصل لبداية رقبته يماثل ذقنه بينما جميع رجال القبيلة لبسهم يإما ابيض رمادي بني وهالدرجات تميز هو باللون الاسود المزخرف بالذهبي
ويسمع للي جذب انتباهه بكلامه : لله الحمد اني وصلت لدياركم ياشيخ انا وبضاعتي بسلام مابغيت اصل
الشيخ : لله الحمد جعل اللي حصل خير يامحسين ؟
محيسن : والله ياطويل العمر من بعد ماتعديت ديرة الشيخ بندر ونيتي اقصد للقبايل اللي من يسارها ولما انتصفت الطريق وما كان بقربي عرب انا والصبيان اللي معي داهمونا ربع جلعود وكانو عشر رجال وانا مامعي الا اربع وانا خامسهم مابغينا نسلمهم ارواحنا والبضاعه بلا مقاومه تشابكنا معهم ولو انهم اكثر منا ومادريت الا وهم ماسكين واحد من الصبيان اللي معي والخنجر على رقبته فأضطرينا نسلمهم ما معنا من سلاح وبين ماهم يجمعونها فاجأنا صوت طلق سلاح هنا حسبته باقي ربعهم بيجون لين شفت اللي كان يهددنا بالصبي طريح في الارض ومصوب في راسه اخذنا اسلحتنا وكملنا قتال وصوت الطلق للحين مستمر اسمعه بس ماكان يصيب الا النهبه ومر بعض الوقت الا اقبل علينا فارس على فرس ماعليها كلام وكان هو اللي يصوب نزل عن الفرس واظهر خنجره وبدء يبارز الثلاثه الباقين بمهارة يشهد الله اني ماقد شافت عيني مثلها هزم ثنين وبقى واحد تصارع معه ثم طرح عالارض وصار يحاكيه : وش في جلعود تغير طبعه ؟؟ ماخبرت انه يضم له ضعوف
رفيق جلعود : طلبتك ياوجه السعد طلبتك تعفي عن حياتي
الفارس وهو يجرده من سلاحه : قم قم فارق لاتراك عيني
جاء رفيق جلعود بيركب الفرس فصاح: انا قلت لك اني بعطيك الحصن؟ روح بلا حصان لا افرغ البارودة في راسك
وهرب رفيق جلعود بأسرع ما عنده وهذا اللي صار ياشيخ عقاب
عقاب : انا اشهد انه نشمي وش ياقاله يامحسين؟
محسين : يقاله ياطول العمر ذياب بن عقاب
عقاب بتفاجأ: ذياب بن عقاب؟
محسين : ايه ياطويل العمر
عقاب : كم تعطيه من العمر يامحيسن؟
محيسن : 18 ولا اقل
عقاب : ماعرفت من اي العربان هو؟
محيسن : لا والله بس كان عليه لثمه وعيونه ماهي من عيون الضعوف ومبارزه مبارز الفرسان
عقاب : ستر الله يامحيسن والحمدلله على سلامتكم ، يا صباح
صباح : عونك ياعمي
عقاب : زيدو العشاء ذبيحتين لسلامة محيسن
صباح : ابشر ياعمي
محيسن : تسلم ياشيخ كرمك وافي
____
قوت وهي تصب القهوة لجلوي وهو يشوفها بنظرات اللي حاس بيصير شيء : ياقوت ماطاحت الفكرة عن راسك ؟
قوت بإستغراب كاذب : اي فكرة
جلوي : المراح!!
قوت : لا بالله ماهونت وشويات وبروح
جلوي : يالله ماشْيَن عنادك
قوت : ياجلوي طلبتك لاتزعل علي حال الاثنين ماعجبني وفيه شي ثاني اجبرني اني اساعدهم
جلوي : وش هو ياقويت
قوت بشرود : واحد منهم كأني اشوف ابوي الله يرحمه قدامي
جلوي : ابوك ياقوت ؟
قوت : ايه والله ياجلوي تصدق ؟! لزوم اني اجيبهم لك في يوم
جلوي : الله ينصر كل مظلوم
قوت : يالله ياجلوي تامر على شيء؟؟
جلوي : ما ابي الا انك تروحين وتجين بالسلامه والله يا قويت ان قلبي ماهو متريح
قوت ابتسمت وهي تسمع اسمها بصوته تعشق تصغير اسمها اذا ناداها به جلوي ما احد غيره ينطقه بذي الحنيه كلها : ابد يالغالي تريح ماراح ابطي وبعدين لك بنت تكفيك عن مية رجال
جلوي : انا اشهد انك كافيتني عن ميه رجال وزود ودعتك الله اللي ماتضيع ودائعه
أنت تقرأ
عزتي للي حزونه كايدة ماهي بقده
Romanceالسلام عليكم ✋🏻 {ياعزتي للي حزونه كايده ماهي بقده } هذي الرواية ياحبايبي ماهي من ذا الزمن وابطالها ماهم من ناسه لا لا هي من الزمن اللي كانو فيه القرايب حبايب ماهم عقارب من زمن الناس فيه قلوبهم على بعض اييه اكيد عرفتوه ذاك الزمان البعيييد البعييد اي...
