#معجزات_الحب
(15)
روايــــ Pinkــــات العـنـــBebaــــود
الكاتبه:Beba pink
واتباد "BebaPink89"
في الصبح كان بشير مقعمز على ارضية المطبخ و جنبه فنحان قهوه .. كان منظره امبهدل شعره مش مساوى و عيونه حواليهم اسود و عيونه يدلو على انهم ماشافو نوم .. تنهد تنهيده تشق القلب و بعدين قال ..
روايــــ Pinkــــات العـنـــBebaــــود
بشير يشبح لنقطه في الفراغ بشرود : امي .. ميار .. خطين متوازيين جمعهم قلبي و فرقهم القدر .. امي جنتي و ميار حبيبتي ..شن ندير ياربي .. كل الطرق مسكره كل ما نحاول ندير خطوه نتراجع مانقدرش حتى نتقبل نشوف وجهه .. ومانقدرش نشوفها تمشي لغيري .. اااه ياربي .. خودني لعندك نبي نرتاح .. تعبت .. تعبت ..'الكاتبه بيبا بينك'
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بينما ميار كانت مقعمزه ع السرير و ضامه رجليها هيئتها تدل على انها حتى هي ماذاقت طعم النوم .. لعند ماسمعت صوت باب دارها يخبط .. لحظات و خش موسى راسم ابتسامه مصطنعه على وجهه ..
موسى : صباح الخير بنيتي الحلوه..
ميار : صباح النور ..
موسى قعمز جنبها : مارقدتيش شكلك ..
ميار بجمود : ايه ..
موسى : علاش..
ميار : ماما حكتلي امس عن .. عن اللي تقدملي و اني ..مش موافقه ..
موسى : اممم .. و علاش .. حسام شاب ممتاز ..دكتور ناجح عنده عيادته الخاصه .. من عيله معروفه بوه دكتور ممتاز و امه مهندسه ناجحه .. خوته زي خوتك عايشين في الخارج و حتى هما ناجحين في مجالاتهم .. و ..
قاطعاته بصوت حاد : هدا كله مش مهم عندي .. الزواج قبول و اني مش متقبلته ..
موسى بصوت عالي : و تقولي فيها في وجهي بلا حشمه ولا خجل .. انتي اصلا من لما انخطفتي تغيرتي و المفروض عاودت تربيتك لما روحتي ..'الكاتبه بيبا بينك'
ميار نزلو دموعها : بابا ارجوك مانبي نتزوجه ..
وقف موسى و قال : حتتزوجيه غصبا عنك .. و الموال اللي في بالك على جثتي يا ميار ..
روايــــ Pinkــــات العـنـــBebaــــود
طلع بوها من الدار و خلا ميار غارقات عيونها بالدموع تبكي بوجع على قلبها المكسور و حبها اللي يبي معجزه عشان يكتمل 💔
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كان عبدو واقف قدام حوش سلوى .. مش عارف كيف جاباته الطريق لعند حوشهم .. بس قلبه مش مطمنه يبي يعرف سلوى وافقت او لا .. قعد متردد قدام الباب لعند ما قرر يمشي .. بس باب الحوش انفتح و طلع صالح ..
صالح : عبدو .. صباح الخير خيرك ماخشيت
عبدو : صباح النور .. آ اهو تو بنخش ..
صالح: خلاص خش افطر معاهم اني ماشي للسوق بنبيع خضرتي ..
عبدو : ربي يوفقك ..
صالح : امين يا ولدي ..
روايــــ Pinkــــات العـنـــBebaــــود
خدا عبدو نفس عميق و خبط الباب و خش ..
وداد شافاته : خش يا عبدو خش .. حماتك تحبك اهو كيف بنحطو الفطور ..
عبدو : اي توا قالي عمي صالح انكم بتفطرو ..
وداد : اي تعرفه انت صالح مايفطر قهوه و بس ..
عبدو تلفت في الحوش يدور عن سلوى ..
