سر العشق بقلم رانيا العربي

البارت [٢]

يدخل شركته بهيبته المعهودة يدلف الي مكتبه الذي يطبع عليه الطابع الكلاسيكي يجلس على كرسيه تدخل مديرة مكتبه منار

منار:-

فتاة في الثلاثين من عمرها متزوجة ولديها طفل رضيع ومع ذلك تحتفظ بتناسق لجسمها وأنيقة ومهتمة جدا بعملها وتم اختيارها بعيدا عن العاهرات لدقة ادم في عمله ان يختار من تحافظ علي مكانة شركته وعملها وأيضا جميلة المظهر

ردد ادم وهو يجلس على كرسيه بوقار :صباح الخير يا منار هاتي كل الأوراق اللي عايزة تتوقع عشان متأخرش ع السلطانة نادية

ابتسمت منار بتهذب تحدثه بلباقه:مبروك يا فندم وعقبال حضرتك الأوراق ع المكتب والاجتماع بعد ربع ساعه

سأل ادم :صحيح كريم رجع ولا لسه

أجابته منار وهي تضع الاوراق علي مكتبه :لسه قدامه يومين ويرجع حضرتك عارف بعد ما يسلم الموقع لازم يتأكد من كل حاجة

همهم ادم بتفهم يرد :أيوة تمام يا منار اتفضلي ع قاعة الاجتماعات وانا جاي وراكي

➖🧡➖🌹➖🧡➖🌹➖🧡➖

..في مستشفى حمزة ..

تحدث حمزة وهو يتفحص أوراق أمامه :انا خلصت مرور المهم دلوقتي ان مريض غرفة ١٠٢ يفضل تحت الملاحظة الدايمة

أمأت الممرضة بإيجاب ترد : حاضر يا دكتور اي أوامر تانية غير كده وحضرتك هترجع أمتي ان شاء الله

أجابها حمزة وهو يقوم بجمع أغراضه الشخصية من علي المكتب :يعني هرجع آخر الاسبوع ان شاء الله الدكتور سمير هيتابع حالاتي انا هامشي ع المطار ولو في اي حاجة انا تليفوني مفتوح ٢٤ساعة

➖🧡➖🌹➖🧡➖🌹➖🧡➖

..في قصر الجارحي..

تأففت نادية من عدم التزام الجميع تتحدث بحنق: ايه التأخير ده أنتو عارفين لازم نسافر بدري عن كده وليد هيزعل

يدخل ادم سريعا من الباب يجد الجميع بالأسفل ينتظرون وجدته صوتها عالي نسبيا
فتح أدم ذراعيه بترحيب مرح  :لا يا سلطانة نادية انا جيت أهو ياسمين فين بقي

ياسمين:-

الأخت الوسطي اكبر من ادم فتاة جميلة ذو شعر بني قصير لا تعمل بشرتها خمرية ترفض الزواج لأسباب نعرفها بعدين طيوبة بتعشق أخواتها وبنات حمزة  تعتبر هي اللي أمهم

رمقته ياسمين بإستعلاء زائف تردف :من غير غلاسة انا خلصت من بدري وكمان البنات جاهزين

تجري الفتاتين نحو ادم يحملهم من ع الأرض الي حضنه

هتفت رغد بطفولية:انا خلثت يا دومي