العود الطري

مشهد

2020 /22/2

تبارك : بابا تليفونك ديدگ

فؤاد :منو بابا
تبارك: بابا مكتوب حرف الميم وبصفة گلب احمر
فؤاد : (غسلت وجهي شلون مچان من الشامبو وفتحت الباب وبس اريد اصدگ نفسي
سحبت التليفون انگطع الاتصال
حاولت الاتصال مشغول
عفته ثواني
دگ التليفون
المي مفتوح
جاوبت
ميم: هلو شلونك
فؤاد : ياهلا بهالصوت شنو شبيچ شبي صوتچ عمتي بيها شي
ميم: لا امي مبيها شي
فؤاد : خوفتيني عليچ احچيلي شكو
ميم: فؤاد اني شنو ذنبي كل يوم مهزوزة بسببك
اني ما اريدك ولا متقربه الك ولا اريد اي شي منك
شنو الذنب اللي اقترفته بحياتي حتى الله طلعك بحياتي
فؤاد : اهدي اهدي وحدة وحدة فهميني شبيچ
ميم: لا افهمك ولا تفهمني
داليا خابرتني وسمعتني كلام ميسر الخاطر
فؤاد : خرب عشيرتها ، هاي شتريدد
ميم: فؤاد شنو شتريد انت مدتفهم !!
كل ظنها ان اني شامرة روحي عليك وع بالها اريدك فؤاد وليرحم اهلك فهمها ان ما بيناتنا شي
فؤاد: خلي شلون متفهم تفهم هذه مشكلتها
معلينه منها اقوى شي عندها خلي تسوي
يعني هو هذا الشي اللي مخليچ عصبية وحتى الصوت متغير
ميم : اوووف يا فؤاد اني وين وانت وين
اني روحي دتطلع وانت ماادري شدتحچي
اني خابرتك حتى يصير عندك علم
حتى مو تگول مگالت
ومقدماً تعذرني ع اي تصرف اتصرفه .
اسفة طولت عليك وزعجتك
فؤاد : ياريت كل دقيقة تزعجيني هالازعاج
ميم: يلا مع السلامة
فؤاد : لحظة بنيتي
ميم: ها فؤاد
فؤاد : يابه ترى اني تعبان ومو حمل مشاكل نفسيتي شوية تعبانة
انت وداليا اتفاهموا لان تتلاگى الوجوه
ميم: هاي شبيك
هي اول شي حچت ويايه ع واتس وبعدها خابرتني حتى فشار فشرت هههه يا تفاهم هذا
وبعدين اني اتفاهم وي هيچ وحدة لسانها والفشار
فؤاد : اي علميها خلي تصير ادمية وتحجي نفس البشر علميها تحچي نفسچ
ميم: شنو سالفتك انت شنو هي طفلة داعلمها
فؤاد : والله اكو اطفال يتصرفون احسن منها عالعموم باباتي ديري بالچ على روحچ
وللمعلومة اني بالحمام ومتت برد
ميم : ههههه هاي شنو ديلا يلا روح اخذ راحتك وكلش اتأسف اني
فؤاد : وان  الحديث معك يُقبّل قلبِي بلُطف.
ميم : شهالكلام يا فؤاد كُلش مو وكته
خليني اروح يلا امي گعدت ح اسويلها ريوگ
فؤاد : هاي انت دائماً هيچ تسكتيني ومتنطيني مجال حتى اعبر عن شكو بداخلي عالعموم اني متعود جداً
بوسيلي عمتي هواية وبلغيها سلامي
ميم: الله يسلمك يوصل بوسلي البنات
فؤاد: وابو البنات ما اله بوسات
ميم: والله ابو البنات لو شوية يتأدب چان عشنه بخير
فؤاد : ههههههه حقيرة
ميم: يلاااا باااي
فؤاد: بالسلامة يا ....
ميم: ياااا شنووو
فؤاد : يااا رووووحـ..... يااا حقيرة
ميم: ممممم ديلا يلا باي
فؤاد: بالسلامة 😍