العـود الطري
أنتمي إليك، في كل مرة يهزمني العالم أجدني أركض نحوك، وكل مرة يخيفني غيابك أرتمي كلي في أحضان ذكرياتك، أبحث عني فيك دائمًا، وتسقط سنين من عمري و تغدو هباء لو أضاعني قلبك في لحظة سهو.
2012/شهر العاشر / بغداد
ثالث يوم العيد
نوران : اوگفي ميري وي البنات دااخذلكم صورة
مريهان: لا لا بس خلي اكمل ارفع شعري يلا تصوريني
نوران: والله حلو شعرچ وهو نازل يلا يا ميمي
مريهان: اي اي اجيت
نوران بنت خالتي عمرها40 سنة بس روحها شبابية وتحب البنات كُلهم وكل البنات يحبوها
بوقتها چننا دنرتب نفسنا بالطابق الثاني
لان چانت مناسبة عرس ابن خالي
بهالاثناء اجوي البنات يركضون
صعد صعد فؤاد ابن كريم
اني استمريت ارتب بشعري ما هتميت لان بالنسبة اليه شخص مبهم وما اعرفة .
اجتي ناديا صاحتني ميمي
تعالي سلمي ع فؤاد
ناديا زوجة فؤاد
مريهان: وليش دااسلم
ناديا: هو يريد يتعرف عليكم
مريهان: اي اجيت
...........................................
من صغري وأنا أظهر اللطف رغم إنّي أعلم كيف أكون لاذعة، أعرف كيف أكون إمرأة يخاف من أن يسكن قلبها أحد .
.................................................
بيني وبين نفسي بقيت احچي
هذا وين چان
هسه يلا اتذكر بنات عمته شگد اكره هيچ تصرفات
سحبت ربطة العنق وشديتها
وشعري مرفوع بطريقة كلاسيك ومحترمة
لبست التراچي
رشيت عطر
ودااطلع من الغرفة
صارت عيني بعينه
واگفات بصفة اخواتي
لارا و ميس
اتلعثمت ومعرفت شنو احچي
جمعت نفسي
وتقدمت وگلتله
مرحبا
جاوب اهلاً
هذه منو
اني هنا متت بدمي
هم صاحوني اسلم وهم ميعرفني هذا شگد مكروه
مرته واگفه بصفة وشابكة ايدها ب ايده
وگالتله هذه بنت عمتك رائدة الصغيرة
اخررر العنقود
ابتسم بطريقة ماحبيته
وگال مممم صح لو گالوا الختام يصير مسك
اهلاً اهلاً بنت عمتي
هي نفسها هذه الچنت اشيلها واسكتها من تبقى تبچي وتزعج عمتي
لارا : هههههه ييي هي هذه ميمي المزعجة
فؤاد :والله وكبرتي يا ميمي
معجبني ابداً كلامهم ووجودي بنصهم معجبني ردت يخلص هالحديث الساذج بكل صورة
رجعت خطوتين وبدون كلام درت وجهي واتجهت للدرج داانزل
فؤاد: عيني ست الحسن وين نازلة هيچ
الولد ديسوون بالكهرباء بالصالة خلي شي ع راسچ
لارا: رجعي مريهان لتنزلين
مريهان : شنو ارجع
اولاً اني ما محجبة ع شنو اخلي شي ع راسي ثانياً هذا الاخ منو سمحله يعلمني اصعد لو انزل وثالثاً اني عندي اسم مو ست الحسن اسمي مريهان .
عفتهم ونزلت واني قهرة بداخلي
شهالهمجية والتدخل واحد بس سلمت عليه صار ينطيني نصائح
نزلت صارت بوجهي سرور اخت فؤاد
سرور: شبيها حنفًوش ليش ضايجة
مريهان :سرور هذا اخوچ شگد مكروه يگولي لتنزلين واذا تنزلين خلي شي على راسچ
سرور: ههههههه اعصابچ عيني ميدري بيچ ممحجبة ليش ضجتي ترى فؤاد سبورت كُلش يجوز حچاها بلا قصد
مريهان : قصد بلا قصد اني انزعج من الكلمة واخوچ عكرلي مزاجي
فؤاد : اخوها عنده اسم اسمه فؤاد مو اخوچ اخوچ وثانياً ماادري ببنت عمتي روحها بخشمها ومن اقل كلمة تنزعج العفو بنتي ومتنعاد كُل شي ولا يضوجن البنوتات الحلوات
أنت تقرأ
العود الطري
Genç Kız Edebiyatıأنتمي إليك، في كل مرة يهزمني العالم أجدني أركض نحوك، وكل مرة يخيفني غيابك أرتمي كلي في أحضان ذكرياتك، أبحث عني فيك دائمًا، وتسقط سنين من عمري و تغدو هباء لو أضاعني قلبك في لحظة سهو.
