Siklo
ni Angelli Catan
Umagang kay ganda
Iyan ang iniisip ng iba
Umagang paulit-ulit
Iyan ang nakatatak sa aking isip
Tila isang siklo
'Di alam kung matatapos
'Di alam kailan hihinto
Titingin sa kanan at kaliwa
Pare-pareho ang nakikita
Walang pagbabago
Nakakatulala
Madalas lumilipad ang isipan
Napupunta sa kawalan
Naglalakbay mag-isa
Sa sariling mundo nagsasaya
Pagkalubog ng araw ay nagbago
Ang mga sinabi'y kinain ko
Pagkalubog ng araw aking napagtanto
Ang siklo pa lang ito'y hindi ang inakala ko
Bawat ikot pala'y kakaiba
Minsan malungkot, minsan masaya
Bawat nangyayari pala'y may dahilan
Paulit-ulit man ito o walang katapusan
BINABASA MO ANG
My Poems
Poetrycompilation of the poems I made. feel free to read, comment and vote! =)
