𝙊𝙉𝘾𝙀 𝙐𝙋𝙊𝙉 𝘼 𝙏𝙄𝙈𝙀 [𝙂𝙇] ✔️

Part 06

"ඔව් කියන්න ඩොක්ටර්..."

"මේ ෆයිල් එවලා තියෙන්නෙ ඔයාගෙ පාසලේ මනෝ උපදේශකවරිය. ඒ වගේම එලොයිස් ඔයා දන්නවද මේක මානසික රෝහලක්." 

"හරි දැන් ඩොක්ටර් ඔය කියන්නෙ මට පිස්සු කියලානෙ?"

"එහෙම නෙමෙයි එලී... බලන්න මොනවද මේ කිඳුරියො ගැන කියන කතා? එහෙම දේවල් ඇත්ත ලෝකෙ වෙන්නෙ නැහැනේ... ඔයාගෙ පන්තිභාර ගුරුතුමියට වගේම පාසල් මනෝ උපදේශකවරියටත් ඔයා ඔය කතාවමයි කියලා තියෙන්නෙ. දැන් මටත් ඒකම කියනවා. ඇත්ත කියන්න එලී... මට ඕනෙ ඔයාට උදව් කරන්න."

"මම කියන්න ඇත්ත තමයි ඩොක්ටර්. ඒ දේවල් එදා ඇත්තටම සිද්ධ වුණා." 

"ඔයා කොහොමද ඒක ඔප්පු කරන්නෙ එලොයිස්. එදා එතන හිටපු කිසි කෙනෙක් ඔයා ඔය කියන විදියෙ ගෑනු ළමයෙක් දැකලා නැහැ. අඩුම තරමෙ ෆොටෝ එකකවත් නැහැ. "

"ආාාාහ්... ඩොක්ටර් එයාලා මාත් එක්ක තරහයි. ඔයාට තේරෙන්නෙ නැද්ද? ඒ හැමෝම කතා වෙලා බොරු කියන්නෙ." එලී දැඩි හඬකින් කියා සිටියාය. 

"එතකොට ඔයා එදා ගොඩක් බියර් ගත්තා කියන එකත් බොරුද?"

"ඒක... ඒක ඇත්ත තමයි. ඒ වුනත් මම හොඳ සිහියෙන් හිටියෙ." 

"ඒත් සාදෙට ආපු අයනම් කියලා තියෙන්නෙ ඔයා එදා හොඳ සිහියෙන් නෙමෙයි හිටියෙ කියලා. ඒ වගේම එතන හිටපු ගෑනු ළමයි කිහිපදෙනෙක්ට බලහත්කාරකම් කරන්න ගිහිනුත් තියනවලු. පස්සෙ එහෙමම නින්දට වැටිලා ඉදලා පහුවෙනිදා උදේ තමයිලු ආපහු ගෙදර ගිහින් තියෙන්නෙ... "

"මොකක්!! නැහැ ඩොක්ටර් මම කාටවත් බලහත්කාරකම් කරන්න ගියේ නැහැ. මම එදා මුළු රෑම හිටියෙ මගෙ එඩේනා එක්ක. මම කාටහරි කරදර කළා නම් ඒ ජෙසිකාට ගහපු එක විතරයි. වෙන කිසිම වැරැද්දක් වුණේ නැහැ." එලොයිස් ඇගේ නිර්දෝශි බව ඔප්පු කිරීමට නැවතත් උත්සහ කළාය. එනමුත් එය අසාර්ථක උත්සහයක් පමණක්ම විය.

"හ්ම්... එලොයිස් ඔය කිඳුරු කතාව ඔයා හිතින් හදා ගත්තු දෙයක්. එහෙම නැත්නම් ඔයා දැකපු හීනයක්. දැන්වත් ඕක නවත්තන්න." හිස දෙපසට සැලූ ඩොක්ටර් රොමානා හෙදියට කතා කළාය.