والسنين مسافرة وكلشي إنگضى
........
گمت واني حيل خايفة عبالي حيعيط بية لان جهازي مغلق وتأخرت يم اهلي
دخلت للصالة
شفته كاعد بأريحية وحاط ايدية على التاج مال التخم
وراسة بالموبايل
شافني شال راسة وطفة الجهاز
كام وكف واني واكفة بصف الباب
_تعاااي هايي شنو شبيجج
_ش شبية
_بسرعة امشي نرجع للبيت
حالتج مينسكت عنها
_حباب خل اضل بعد هنا
_رشاا بقالج يوم واحد تنكسرين وتوكعين
_حباب خل اضل هنا
_رشا ممنوع وبلا نقاش
يلة بسرعة نرجع
من يكول ممنوع بعد اصلاََ السالفة ميته وعقيمة نهائياََ
دخلوا يمة اخواني وامي سوت جاي وشذى اجت وياي
بدلت وفتحت تلفوني و حجيت ويا رشا وهيَ تنصحني
حبيبتي فادتني بهواي شغلات
بوست اهلي كلهم
و امنتهم يسلمولي على ابوية
من كلت هيج شهم سألهم هوَ بأي مستشفى
اخذ اسمها منهم
و وصيت امي على بنات شهد وامنتها مترجعهن لابوهن
وطلعنا
همَ سيارة حمايته وسيارة حماية واني وهوَ
هوَ شكو هالحماية هوَ تاجر مخدرات
على شنو حاطهم شبات فگر
عشتوا
ما اعرف شلون غفيت على كتف شهم
وهوَ صحاني لمن كانت سيارتنا واكفة بباب المستشفى
انصدمت شنو هاي شهم
_مو تردين تشوفين ابوج؟!
_اي اريد
_تمام يلة
ما اعرف هالرجال شنو
لا هوَ عاقل لا هوَ مخبل لا هوَ قاسي لا هوَ لين لا هوَ عصبي لا هََ هادئ مدري شنو
المهم وصلنا لغرفة ابوية كانوا اولاد عمي يم الباب
شافني موفق ابن عمي قيس
ضل صافن علية
هوَ قبل ما اتزوج كانت نضراته الي حب واعجاب
ومرات ابتساماته تصرفاته وحركاته كانت تعكس هالشي بس ما صار بيناتنه قسمة والحمد لله على كل حال
تقدم هوَ علينا في حين احنه هم كنا نمشي بأتجاهم
سلم موفق على شهم
_رشاا؟ معقولة هاي شصاير بيج؟؟
ليش هيج تعبانه ومصفرة
_والله هذا شي ميخصك
