- وين ما اغني اذكرك
انه شايل كلب امي
شما غلطت وياي اعذرك.. 🖤
.
.
.
_اسمك شهم صح؟
_اي صح
_وكذبت علية وكتلي أسمي أحمد صح؟
_اي نعم صح
_كثر خيرك
_رشا تدرين اخوية تصگط؟
رشا تدرين لو مو اخوج وادري بكلبج يحترگ علية جان خليت الچلاب تاكل لحمة
تدرين لو وحدة غيرج هسة كدامي كان شربت من دمها
بس الواكف بعيني حبج
_هم مجاوبت
_شبيج انخرستي!؟
_ماا اعرف شنو اجاوبك وانت طلعت مكذب علية حتى بأسمك
شلون اصدگ بكلامك؟!
_بقت بكيفج
گام طلع واني على كعدتي
صدمة ورة صدمة و وحدة أقوى من القبلها
دخلت بنية تطلع بعمر ال25
تفضلي لغرفتج مدام
_كمت وياها اخذت الجنطة هي
البيت يجنن من الداخل شفت ولد كاعد
بالصالة ويمة بنات 2 عمرهم يتراوح بين 18و20
والولد ما ركزت بي
ومرة كبيرة يطلع عمرها 50
التفتوا علية ورجعوا لطبيعتهم
كأنما اني مموجودة
صعدت اكو كومة أبواب بالطابق الثاني فتحت البنية وحدة منهن
دخلت وياي فتحت الكنتور
وحطت الأغراض بي
وهو هم كان مليان اغراض وملابس
_مدام تكدرين تاخذين راحتج هاي غرفتج منا وجاي
_شكراََ
اول مطلعت نزعت شالي وطلعت
برمودة وتشيرت ربع ردن اريد ارتاح متت من التعب والطريق والحر
فتحت باب بالغرفة الحمد لله اكو حمام
سبحت وطلعت
حطيت عطر ومشطت شعري
شغلت السبلت وطفيت الاضوية ونمت
.
.
.
.
حسيت على شي يمشي على خدي وعلى شعري
طفرت بسرعة الا شوية وكعت من الجرباية
شعندك هنااا
_شنو شعندي غير مرتي!؟
_من كل عقلك انتَ؟؟
_رشا فدوة سكتي تعبان وهستوني راجع من الشغل
_رجعت عليك تريلة انت شتشتغل
_امممم موشغلج
بعدين هاي شلابسة
كمت كبل ع الكنتور طلعت تراك اطول لبسته فوك هذا
وهو صارن عيونه براسة
_تكدر تطلع؟؟!
_ليش بلةةةة؟
_لان اريد اخذ راحتي
_يي عادي اخذيها واني موجود مو مشكلة اني زوجج
