حرامات الي مشيتلهن مشني
هذا اخر سلام الروحي مني .
........
شهم عوفني شوية الله يخليك
_وإذا سويتي شي بنفسج؟؟
_لتخاف ما اسوي صارت الاكبر من هاي وما سويت شي
كام من يمي لبس ملابسة الاجة بيهن نفسهن
حأطلع ما ارجع هسة لل4يالة او يمكن اطلع مناك للشغل ما ارجع
_المن تروح؟
وانتَ كلتها من هناك للشغل يعني مو للشغل رايح
_مو شغلج
_لااا شغلللي شغلللي
. تقبل هسة اني اطلع لمككااان حضررتك متعرررفة تتقبل اطلع من الصبح لليل ومن اللليل للصبح وما ارجع الا دقايق معدودة
فقدت كمت أعيط واضرب على صدرة وهو متفاجئ
اول مرة اهتم واسئلة لوين رايح
. اول مرة احاسبه واتعارك وياه علمود الطلعة
جرني من ايدية الجنت اضرب بيهن على صدرة
وضمني لصدرة بقوة واني ابجي بهستيريا يمكن طلعت قهر اهلي كلة
بي
احسة هو سبب كلشي
او هو كشفلي حقيقة الي حولي
ما اعرف
_كافي بجي عيونج رح تنفجر
اشششش كافي
امشي بدلي يلة
_ماريد
_نجبي
يلةة
جرني للغرفة وهو بدلي
كان اكو جنطة مو كبيرة ولا صغيرة
فتحها وحط ملابس الي بيها
راح لغرفة ريحان شالها ولزمني من ايدي
غسلت وجهي ونزلنا اني وياه
حطني بالسيارة بالصدر
وريحان هي نايمة حطها ليورة وحط يمها الجنطة
رجع للبيت جاب شرشف
غطة بي ريحان
فتحو الحراس الباب وطلع
المطر متواصل ينزل بهدوء
والجو بارد بشكل
اضواء خافتة بالشوارع
حركة شبه معدومة
ما اعرف وين رايح
يمشي وهو ساكت
لزم ايدي بقوة
_ترى اني موجود
هالتصرفات متستحق تسويها بس من اموت
_لا اسم ﷲ
_تحبيني؟!
_ يمكن!
_يمكن ولا ما اعرف
الحمد لله
