القهـر حتـه بوصيتـي محلف أهلي عليك
أنتَ اليدفن .. اليغسل .. اليجفن
....... 🖤 |
اني نايمة على ايد شهم
وشهم ميت او شبه ميت
كان وجهة ازرق وشفافه هم زرق كلش
ومغمض عيونه
وسما تخنگ بية تريدني اموت
تجركت حيل وفزييت
كان حلم او كابوس
شنو هالكابوس الي يشل من الخوف
ما انكر كان بالي يم شهم وحيل خفت علية
شربت مي وفتحت جهازي
ضليت حايرة بين اتصل بين لا
اخر شي اتصلت بس كنت خايفة حيل انه يطلع بي شي
_الوو
_ها شهم
_هلا بوية خو ما بيج شي
_اا لا بس هيج عبالي انتَ بيك شي
_لا ما بية شي جنتي نايمة!؟
_اي شمدريك
_من صوتج
رجعي كملي نومتج
سديت الجهاز وضليت افكر بشي يخلصني من هالعيشه المتنراد
زين اذا دبرتها وطلعت منا وين اروح
والمن اروح وشندل حتى اروح
ماعندي كلشي!
و وين ما اروح يطلع بوجهي هوَ
.
.
.
الساعة 3 بالليل
قررت انه اتماشى وياه
ماعندي غير حل
اتصلت بي
رفضة
تذكرت من جنت احبة ويرفضة
يكلي عندي شغل
اتصلت مرة ثانية بألحاح
غلقة
اني هم تركتة ونمت
.
.
.
.
.
الساعة 4العصر
_ كعدت من النوم جسمي تعبان من كد ما انام
حتى لين اتصل عليها وسحبها
ضلت تحلف وتتوسل بية انه ما اعيد شغلة الانتحار
بعدين قنعتها اني بعد ما اسويها
وراحت وبقيت لوحدي مثل الي بسجن انفرادي
انام من فرط الوحشة والهدوء اخاف من اي صوت
من اي حركة
حتى كان اكو ببغاء عندي مالتي مطلعة من البيت
عازلني عزل شامل
كأنه مجرمة بالحبس
كأنه روح محصورة بداخل زجاجة
ماعندي اي شي يلهيني بس الموبايل واني مو من النوع الاحبة والتهي بي
