بقلم قمر الزمان ( اللهمَ هون )
الكل انشغل بحياته اله اني حياتي وكفت
وبيوم اجتني الهام اختي زيارة هية وابنهة وحامل بالبطن الثانيه
فرحت بيهة كلش فرحت اختي هاي حبيبتي شريكتي بكال التعب التعبنا
بس الظاهر ثنينه ما مقسوم النه الراحة
عود كلت ازوجت وستقرت وعدهة ولد وحالياً حامل بس المتعوس متعوس شفت حالهة مو ذاك الهام المرحة تصيحلي كله الفاهية هالكد ما جانت لهلوبه والضحكة متفارك وجهة وشاطرة بكلشي شاطرة
اشوف ضحكتهة مطفيه سألتهة شبيج
- شبيه يا اختي شبيه لو بينه خير جان صار عدنه ام مثل العالم لو بينه خير جان عدنه بيت مستقرين بي مو يوم يم امج ويوم يم ابوج لو اخوج المكسور ظهرة من زغرة
- شصار الهام ما مرتاحتلج وهاي الموشح قديم ماكو شي جديد بي
- ماريد ازيد همج الي بيج كافيج الله يساعدج بس على عمتج شلون تكظين العمر وياها ما اعرف
- ترة عمتي طيبه صدكي الهام لوما موضوع الخلفه
- هاي هية طيبه وكاعدة كبالنه وتبسمر لو موخوش جان شسوت
- الهام الحق يقال ترة حقهة تريد تفرح الابنهة بجاهل بولد يشيل اسمه
- باع الحظ كاعد تبرر الهة ونتي شكو بيدج غير امر الله وهاي عندي الولد وشحصلت خليهة صنطه حميدة
- غير تفهميني شبيج
- حميدة راح اموت قهر شحجيلج ترة متحمله وساكته والله اكول وين اولي امي جنت بنيه وما جانت حاملتني عاد اني وجهالي تحملني
رجلي حميدة تعبت اعصابي من خياناته وعلاقاته وج ماعرف شحجي خليني ساكته
- يااااااا تحجين صدك ونتي ليش ساكته صدك جذب هوة موضوع ينسكت علي وإني اكول الهام ام ضحكة الحلوة شبيهة مطفيه
- حجيت وهوست وتعاركت وحته اهلة ما سكتو بس شنو الفايدة لا يبطل ولا يجوز وعبالك زاد ما نقص
- ونتي شلون عرفتي
- حميدة شبيج تبقين مطفيه ترة ماكو وحدة ماتعرف برجلهة وخاصه اذا اكو تغيرات وعلامات غريبه
- الظاهر صدك مثل ما كلتي احنه منحوسات
تدرين كاعدة والله ومتوقعه على اي لحظة يدخل عليه انور وبيدة مرة ومهيأة نفسي الهيج موقف
- يمة الله ليكولهة ونتي مو تكولين ما يرضه الامة لو الاحد من يجيب طاري الزواج
- والى متى هااا الى متى الهاام هاي صار سنتين هوة ساكت وصابر الى متى تجيله ساعه ويرضخ الكلامهم وتدخل بعقله موضوع الزواج وشنو عذري وارفض هااا انتي كولي شنو عذري لو عندي على كولتج بيت اهل مثل الناس وعوف كلشي وروح وحترم نفسي
وهاي وضعي وهاي حالي انور زين ميحجي ولا يجيب طاري الزواج اله امه عدت الكل على هالموضوع وصار عليه ضغط مو طبيعي هنوب تريد مني اني اقنعه يزوج
واني ما يطيني كلبي احجيهة وطلب منه يزوج بس جنت متوقعه باي لحظة
وبيوم اجة كلي
- حميدة هيأي نفسج هذا السبوع نحول بابيتنه
- يمة والله كلبي كرصني كتله شعجب مو عمتي متقبل شلون قنعتهة
- هههههههه ترة اني ما منتضر امي تقنع وشيل البيت بيتي وبيدي باني حته اتفرج علي وهوة فارغ اريد اكعد بي وستقر ورتاح اقلها احصد تعب سنين عمري بالبناء والعماله
- ليش ما تأجرة وهم تخف من تعب البناء
- مامحتاج والحمد لله شغلي مكفينه وزايد لو عدج غير راي
- لا والله متقصر والله مكفي وموفي بس علمودك حته شوكت ميعجبك متشتغل اقلها عدك الاجار تعيش منه
- لا شبيه بعدني بحيلي وبشبابي اذا هسة ما شتغل شوكت من اشيب
حضري روحج هالسبوع نحول بالبيت
-والله كلمته وجعت گلبي نشيب يعني معقوله انور يشيب وهوة ماشايف الطفل يكبر وماعندة الولد الي يعينه الك بيهة ارادة ربي
وفعلاً خلال سبوع حولنه بالبيت الجديد والحمد لله ماكول جنت ما مرتاحة عد بيت عيالي بس الصراحة الاستقلاليه شي ثاني شعور ثاني حلو من تكون انتي ام البيت والج مطلق الحريه بالتصرف
وهكذا مرت علينه الايام وبدت عمتي تشتغل شغل ثاني من غير نوع بطلت تحجي وتقنع وانما بدت تنفذ
بقلم قمر الزمان 💋
رابط وات باد https://my.w.tt/PVgEuohnMcb
