( اللهمَ هون ) بقلم قمر الزمان
عمتي جانت تحجي وياا وهوة ميقبل
تحجي ويايه واني ساكتة
هسة كامت تنفذ متحجي بيوم جتنه وياهة بنيه ارمله اقاربهم اني اعرفهة البنيه خوش بنيه وعدهة ولد
الصراحة ستغربت البنيه شذكرهة بينه اني هم ضايفتهن وكعدنه ونسولف والله وجية انور شو كومي يا عمتي وكدامنه كليله هاي كدامك فلانه يمة وانه حجيت وياها وهية موافقه وجبتهة تشوف البيت وكعدتكم حته تتفاصلون على كيفكم اباقي المواضيع
اني الصمت بس عيني ترمش انور عيونة صعدن على كصته
جاوبهة
الله بالخير عليج يمة الي ابالج مايصير ولا يصير وعتذر منج خويه صارت بوجهج يعني ماعرف الوالدة شمفهمتج بس اني ما ناوي على شي ولا عندي علم بلي مفمتج علي امي فعذريني يا بت الناس
البنيه كامت تضرب اسداس بخماس وعمتي كامت تهوس على انور وهوة هم عوف البيت وطلع تالي كمت اني للمطبخ منعاً للاحراج اكثر وخطيه هية البنيه جتي ورايه وعتذرت مني وكالت هية متدري انو احنه منعرف بخطبت عمتي الهة وجابتهة على اساس انتي موافقه على زواج رجلج اثاري اصلاً رجلج ميدري بي يردون يزوجونه هههههههه
ضحكت خطيه وسلمت وترخصت ورجعت البيتهة
وعمتي طلعت من البيت زعلانه وبليل من رجع انور كلي لا تشيلين بخاطرج هاي امي وحدهة تصرف واني ساكتة ماحجيت اي شي
ورة فترة كامن خواته يجن كلهن سوة يجمعن ويجيبن جهالهن كولهم ويظلن يصيحن اكعد فلان اكعد علان ويصيحن على جهالهم كل شوي اذا سبب او من دون سبب هههههههههه اثاري هاي الوسيله الثانيه الي اتخذتهة عمتي عود شوفو البيت شلون حس بي من اكو جاهل وهم اني ساكته
لو تجي وتكعد ومرت فلان جابت ومرت فلان حبلت وهاي صارو عدهة هالكد وهاي طرحت اووووووووووو
ماخلت ما سوت واني ساكته والله على طرف الساني اريد احجي وكله ازوج يبن الناس بس كلبي ميطاوعني اكول هوة من ذاته يجي ويحجي
الى ان اجة اليوم الموعود
فات على زواجي خمس سنين الله شاهد ماكسر خاطري بيوم ولا زعلني منه وحته اذا يزعلني اسكت وبقه كاعدة ابيتي وين اروح وما قصر عليه ولا اثر كل محاولات عمتي بي بتزويجة حته خواته حاولن وياي وياا بس اني اسكت وهوة يرفض
بيوم اجاني من شغله ومثل كل مرة تلكيته الله يساعدك
وحضرتله ملابسه ودخل سبح وكعد يتغدة بس ساكت ابد ما سولف مو من عوايدة هيج هدوء كمل غدا وطلع باكيت جكايرة ويدخن وصافن جبتله چايه وكعدت يمه بس كلبي عالمني بلي حاير بي
كلي حميدة اكو موضوع اريد احجي بي
كتله انور اني موافقه
صفن عليه كلي على شنو وافقتي وشفتهمتي انتي اول
- انور تريد تزوج موافقه ميحتاج تحجي نظرة عينك حجت قبلك واني اكلك موافقه وربي يشهد عليه جنت متوقعته هذا اليوم ومهيأة نفسي اله وجنت ساكته ما اكلك روح ازوج منتضرتك انته تجي وتكول راح ازوج حته متكول انتي طلبتي ازوج واني جنت ما راضي وهسة اكولك ازوج انور وشوفلك ولد بنيه العمر يكضي ونته تعبان ومن حقك
