مشهد
( اللهمَ هون ) بقلم قمر الزمان
حميدة -
اليوم الزفه واني تعبت حيل تعبت من البارحة واكفة على رجلي كلت بس تخلص الزفه واروح
اني تممت كلشي الهم من الصبح شغل وتعب وتحضير وغدة والعشة الى ان جتي الزفة عاد كتلهم عذروني تعبت راح اروح ارتاح اخوية جان حاضر العرس معزوم عزمة رجلي وكتله بس تجي الزفة انته تحضر نطلع ما ابقه
وفعلاً اول ما دخلت العروس اني لبست عباتي واخذت جنطتي من الغرفة اريد اطلع وجان يجي عليه للغرفة
يتبع
البارت الاول
اللهمَ هون بقلم ( قمر الزمان )
نعود الى اصل الحكايه
حميدة كعدي حميدة هم يالله ولج كومي تنبل الفاهية
اي اي اي كعدت عبالك هية الي حيخطبوهة مو اني
عاب هالحلك فوكاها هذا الي يسوي زين وج كومي لا امج تقلب علينه
اي حقهة غير كاعدات على كلبهة يالله كمت اغسل وجهي واجي وراج
حميدة ....
اليوم خطبتي اكو جماعه معارف ابوية يجون اليوم يشوفوني
ابنهم لا شايفته ولا شايفني هيج على معرفة ابويه خطبو منه بنيه وكللهم عدي حميدة تفيد ابنكم والصراحة اني كيفت اريد اخلص من امي ولغوتهة يوميه مهوسة علينه اني واختي الهام
وهاي الهام هم كوة كاعدة على اعصابهة شنسوي وين نروح
امي مطلكة من ابويه وزوجت واحد ازغر منهة وتحبه تموت علي
ابويه هم من طلك امي ازوج وخلف غيرنه وظلينه اني واختي الهام تحت رحمتهم ابوية بيته زغير ماعدة مكان النه يادوب مكفي عايلته واخويه مزوج ومأجر مشتمل يا دوب مكفي
واني واختي كعدنه يم امي شوي بيت امي بيه مجال ولو رجلهة مضايق من عدنه بس شنسوي نتحمل
بلكي اليوم تصير قسمتي وخلص عاد تبقه الهام شوي يخف الحمل وامي هم تجوز من عدنه مستثقلتنه تريد تاخذ راحتهة
امي موضفه وراتبهة خير من الله بس كله الهة والرجلهة وهوة هم صفيق متونس براسهة بس هية وين تحس
اوووف هيج ونخلص من الذله
جوي العصر الجماعه وياهم الولد وكعدنه وحسب الاصول شفته الولد زين شكله وشخصيته مناسب الي وهوة هم شافني اهلة وياا امه وخواته وابو يم ابوي ابيته من تخلص الكعدة يخابرون علي ويجيهم
ورا ما شافوني دزو خبر بيد ابويه موافقين ويردون يحددون موعد للخطبه
هاي احنه من نريد ابويه بشغله منطقه القاء تصير ابيت اخوية امي ماتقبل يدخل للبيت وهوة هم يتخبل من يشوفهة فاحنه شنسوي نخلص من الطلايب الي تصير ورة كل موعد يتلاكون بي نروح عد اخوية ونلتقي بي هناك
اخوية ازوج وهوة زغير هم تبهذل لا يكدر يبقه عد امي لان ينقهر ولا يكدر يروح عد ابويه لان هم ينقهر وظالين احنه ما بين حانه ومانه
عاد ورة ما خطب اجر بيت زغير كلش على كدة هوة ومرته وستقر بي دورات نروح يمه ودورات نزور ابونه بس سكنه الدائم عد امي
اشوف التفاعل وكمله
رابط وات باد https://my.w.tt/PVgEuohnMcb
