( اللهمَ هون ) بقلم قمر الزمان
شغل السيارة وتحرك وبعدنه ماشين مسافه قليله وشفت انور طلع ورانه كتله لا توكف كمل وصدك طلع من الفرع وهوة واكف عينه ماشالهة من عدنه اباوع علي من المرايه الجانبيه
وتوجهنة للكاظميه وبعدنه تونه اگبلنه على القبه الشريفه واني كلت بگلبي بشاربك اني يا مولاي
ركن السيارة اخوي وتوجهنة على باب الدخول واني وكفت على عتبه الباب ونخيته
هاا يابو الرضااا
هاا يابو معصومة
يااا امامي اريدهة منك
اريدك تموت على گلبي
كون تشيل محبه انور منه اريد ناري تطفه والعوض منكم يا اهل البيت اني
مرة مهظومة ومالي احد واني بشاربك يا قاضي الحاجات اريد كون تهون المصاب على گلبي ذبيت طلبي يمك يا دكتور اهل البيت اطيب جرح كلبي بجاهك عد ربك
دخلت جوة المقام الشريف ولزمت الشباك وبچيت شكد صبرت ذيج الفترة كله واني اصبر روحي بس هسة بچيت وما يحلة البجي اله يم عترة رسول الله
زرت وكملت زيارة وصليت وطلعت لكيت اخويه ينتظرني كلي ارتاحيتي كتله خويه المكتوب على الجبين لازم تشوفة العين وهاي قسمتي وهاي وعدي ورجعنه للبيت ما اكول ارتاحيت بس تصبرت بصبر اهل البيت وذيج اليله بس الله يعلم بيهة
هون عليه وجود اخويه واولادة ومرته وثاني يوم كتله باقيه يمك اليوم هم خطيه كلي طول العمر اخليج فوك راسي ولا تهمين مرته هم حبابه وتسولف علية تريد تنسيني يومين يم اخويه وراها كتله وديني بيت ابونه كلي ابقي عدي كتله لا اشوف الوالد وخوتنه الصغار وهم بقيت يومين طبعاً انور من ثاني يوم اجة وراد يرجعني بس اني ما قبلت كتله عوفني على راحتي هالشكم يوم ورة اليومين رحت عد امي هم يومين الى ان صار يوم السابع وكتله الاخويه رجعني البيتي كلي خاف ما تتحملين كتله شفت الاصعب منهة
اني كل يومين اكظيهن ابيت اختبر روحي وشوف مقدرتهة على التحمل يا ترى اكدر اعوف انور اكدر اعيش بليا ويا بيت الي الكة راحتي بي الصراحة مالكيت غير بيتي الراحة بي ابوي عدة جهاله ولاهي بيهم وعيشتهم واخويه هم يادوب جهاله وامي بعد شغلتهة معروفه ورجلهة ما يطيقنه وهي حايرة شلون ادلل بي شفت ماكو مثل بيتي يلمني وتحمل
والله شاهد انور زين وما مقصر ومدللني ومحترمني اني اخسر كل ذني وتبهذل بالبيوت وهوة واقع حال مادام ما خلف اني معناه اول وتالي يزوج
ورجعت وتلكوني انور يبوس راسي ويكلي توة نور البيت مرته هم تلكتني بوجه يضحك هم حبابه البنيه
وهيج مرت الايام بس الي تغير
گلبي .... گلبي ماعاد مثل الاول اني طول النهار طبيعيه لما يجي اليل ادخل غرفتي وقفل الباب عليه انور يجي يدك يدك يدك ولا افتحلة لما يأيس ويرجع المرته مرة مرتين ثلاثه طكت حوصلته
كلي شنو معناها تقفلين بابج عيب عليج رجلج اني اجي اريد ارتاح بغرفتي شنو قافله الباب كتله اني مرتك وكدامك طول النهار وشتريد وتأمر اني حاضرة وبخدمتك بس بليل اعذرني بابي ما فتحة
تخبل هوة كلي ليش هيج انتي مرتي واني مامسوي شي ظالمج بي جيت وكتلج راح ازوج ونتي قبلتي ليش بعد تمنعين نفسج مني
كتله انته ما بحاجتي زوجتك زغيرة وحلوة وبت ناس ماعتقد راح تلكة بيناتنه اختلاف
كال حميدة لا اطلعيني من طوري شنو هالمقارنه السخيفه بابا اني رجلج ونتي مرتي ولي حق عليج الج يوم والهة يوم واني احبج حميدة ومالي غنه عنج لا تعذبيني وتعذبين روحج
- شوف انور تذكر بليله عرسنه شكتلك
كتلك اريدك سند واني فاقدة السند
وجنت الي نعم السند وهسة وبعد انته سندي واماني
وكتلي اريدج راحة الي وعتقد ما قصرت وياك وهسة وبعد اني عمري كلة الك والاولادك ان شاء الله من يجون غير شي اعذرني اني هسة ما محتاجة رجال الغرفتي محتاجة الامان والبيت ونته ذن موفرهن غير شي متلكي عدي وعفيك من هاي المهمة لا ليله الي ولا ليله الهة كلهن الهة متنازله عنهن من طيب خاطر
بيومهة تخبل وتعارك وياي ومرته تسمع وما فتحت حلكهة هم الواحد يحجي كلمة الحق البنيه بنت اوادم تحترمني ومتساعدين بالبيت اني وياها ولا تدخل بيني وبين انور لو شما يصير واحمد الله وشكرة الي جعل هالبنيه من نصيبه جان اتبهذلت لو غير وحدة ماخذته
وستمر وضعنه هيج يوم يمل ويأيس ويوم يجي يدك الباب ما فتحلة ومرات يعصب ويريد يفلشهة ويصيح واني اذني الطرشه
تالي يروح ويرجع الغرفته الى ان هل علينه شهر والثاني ولن مرته حبلت
حمدت الله وشكرته ماراح التعب بلاش وصار عدة انور ولد وهوة هوة ولا تغير عليه ولا اني تغيرت علي بس گلبي مات من ناحيته
مات من يوم رجعت من ابو الجوادين ما قصر وياي بعد عيني ماكول كرهته لا شلون اكره حب صباي انور زين وما ينكره بالعكس احبه وحترمه ومقدرته بس ماتت رغبتي بي وشما يحاول ما اتقبل منه كلشي وصدة
وصار الطفل الثاني والثالث واني وياهم بالبيت ربيتهم كانهم ولدي وبناتي مرته محترمتني وشتصرف ويه جهالهة ماتكول ليش ولا بالعكس تايدني يشيروني بكلشي
وكلشي بالبيت بأمري واني قدمتلهم روحي وحياتي احتضنت اولادة ودومي اله الناصحة والمعاونه وكلشي يطلب مني البيله اله من يجي اليل بابي مقفوله وسنين مرت وحنه نفس الوضع وانور ما مل مني
ههههههه مرات اجي للغرفه الكا كاعد بيهة من المغرب عباله يصيدني
اني شسوي اعوفله الغرفه وروح احتضن اولادة ونام يمهم هههههههه هوة يزهك ويظل يهوس
وبيوم خابرتني اختي الهام وكالت حميدة الحكي امي نايمة بالمستشفى
بقلم قمر الزمان 💋
رابط وات باد https://my.w.tt/PVgEuohnMcb
