"ဂျွန်ဂျောင်ကု... ဂျွန်ဂျောင်ကု.. ရား! ဂျွန်ဂျောင်ကု.."
ဆိုသည့် အသံသေးသေးလေးကြောင့် သူ အိပ်ရာပေါ်တွင်မှောက်လျှက်သားအိပ်မောကျနေရာမှဆတ်ခနဲ လန့်ကြောင်နိုးသွားရသည်။ အိပ်ရေးမဝ,တဝ အနေအထားတွင် အသိစိတ်က မ,ကပ်နိုင်သေးတော့ မျက်မှောင်တွေစုကျုံ့၍ခဏတာကြောင်အမ်းငေးမောပြီးသကာလ.. ကုတင်ဘေးမှ စားပွဲတင် နာရီလေးကို သူ လှမ်းကြည့်လိုက်တော့...
"အင်းးးး.... အခု..မှ.. ၁၂ နာရီ ၁၀ မိနစ်ပဲရှိသေးတာလား။ ဒါဆို... ငါ.. အိပ်ပျော်သွားတာ နာရီဝက်တောင်မရှိသေးဘူးပဲ"
"၁၂ နာရီ ၁၀ မိနစ် မဟုတ်ဘူး.. ငတုံးရဲ့။ မနက် ၂ နာရီကွ"
"အမလေး!! ဘာတုန်းဟ!!!"
သတိရှိနေချိန် ပီပီသသကြားလိုက်ရသော အသံကြောင့် သူ ခေါင်းမွှေးများပင်ထောင်ကုန်ပြီး အိပ်ရာပေါ်မှ စောင်တို့ဖြင့်လုံးထွေးကာ ဒလိမ့်ခေါက်ကွေး ပြုတ်ကျလေတော့သည်။
ထိုစဥ်.. ရုတ်တရက်သူ့ အပေါ်တွင် တစ်ခုခုရှိနေသလိုခံစားလိုက်ရသဖြင့် သူဖြည်းဖြည်းချင်း မော့ကြည့်လိုက်သောအခါ....
"ဟင်!!"
တွေ့လိုက်ရသည့် မြင်ကွင်းက သူ့ကို မင်သက်သွားစေပါသည်။ ဆွံ့,အ သွားစေပါသည်။ အာခေါင်တွေခြောက်လာပြီး အော်ဖို့တောင်မေ့သွားသည်အထိ လောကကြီးနှင့် ခေတ္တအဆက်အသွယ်ပျက်သွားစေပါသည်။ ဟုတ်တယ်လေ.. သူ့မျက်စိရှေ့မှာ လူတစ်ယောက် လေထဲမှာ တွဲလောင်းကြီးဖြစ်နေတာကို မျက်ဝါးထင်ထင်၊ ရှင်းရှင်းလင်းလင်း၊ အသေအချာကြီးကို မြင်လိုက်ရသည်ပဲ.. မလန့်ဘဲခံနိုင်ရိုးလား။
"ရား.. ဂျွန်ဂျောင်ကု.. အခုလို မျက်လုံးကြီးပြူးပြီးကြည့်နေမယ့်အစား.. အော်တာဖြစ်ဖြစ်၊ သတိလစ်သွားတာဖြစ်ဖြစ်.. တစ်ခုခုတော့ဖြစ်သင့်တယ်မဟုတ်ဘူးလား။ မင်းမျက်နှာကြီးကြည့်ပြီး ငါတောင်ပြန်လန့်ချင်လာပြီ"
"မင်း... မင်း.. မင်းကဘယ်သူလဲ.. သ..သ..သ..သရဲလား"
"သေချာတာပေါ့။ သရဲမဟုတ်ဘဲနဲ့သာမန်လူက အခုလိုလေထဲပျံနေပါ့မလား။ စဥ်းစားလေ.. ဟဲ့ကောင်ရ"
YOU ARE READING
My Sassy Ghost (✔)
Fanfiction(Unicode) သရဲလေးတစ်ကောင် ကောက်ရထားသည်။ Jeon Jung Kook 💜 Kim Seok Jin (Zawgyi) သရဲေလးတစ္ေကာင္ ေကာက္ရထားသည္။ Jeon Jung Kook 💜 Kim Seok Jin
