"ဂျွန်ဂျောင်ကု.. ဂျွန်ဂျောင်ကု.. မင်း.. မင်း ဘယ်မှာပုန်းနေလဲ..ဟင်.. ထွက်ခဲ့စမ်း.. ဂျွန်ဂျောင်ဂု!!"
ချလွမ်း..ချလွမ်း..ဂွမ်း
"ထွက်ခဲ့လို့ပြောနေတယ်လေ.. ဂျွန်ဂျောင်ကု.."
မနက်စောစောစီးစီး ဆူညံသံတွေနဲ့ပြည့်နှက်နေပေမယ့် ပတ်ဝန်းကျင်ကကျင့်သားရနေပြီထင်.. ဘယ်သူမှအသံလာရာကိုထွက်မကြည့်ကြသလို.. ဘယ်သူမှ လာရောက်စပ်စုခြင်းမပြုကြ။
ပေ ၂၀ ပတ်လည်သာကျယ်ဝန်းသော ထိုအခန်းကျဥ်းလေး၏ ကြမ်းပြင်ပေါ်မှာတော့စိတ်ရှိလက်ရှိရိုက်ခွဲခံထားရသည့် ပန်းအိုးအကွဲတွေ၊ ဖန်ခွဲစတွေဖြင့် ပြည့်နှက်လို့နေသည်။ ပြီးတော့ ထိုဆူညံသံတွေကြောင့် အသားတွေတဆတ်ဆတ်တုန်အောင်ကြောက်နေရှာသည့် ၅နှစ်အရွယ် ကောင်လေးတစ်ယောက်။
ကြောက်လွန်းသဖြင့် ဗီဒိုထဲတွင် ဝင်ပုန်းခိုနေရပြီး အသံထွက်မိမှာစိုးလို့ထင်.. သူ၏ပါးစပ်ကိုလက်သေးသေးလေးနှစ်ဖက်ဖြင့် တင်းနေအောင်ပိတ်ထား၏။ ပါးပြင်ပေါ်တွင်တော့ မျက်ရည်တွေဟာ အတားအစီးမဲ့စီးကျနေသော်လည်း ရှိုက်သံသေးသေးလေးတောင်ထွက်မိမှာစိုးရှာသည့် ထိုကောင်လေးမှာ အသက်တောင်ရဲရဲမ,ရှူရဲသဖြင့် မျက်နှာလေးတစ်ခုလုံးပေါက်ထွက်မတတ်နီရဲနေရှာသည်။
ဒုန်း~~
ထိုစဥ်.. ဒုန်းခနဲပွင့်သွားသည့် ဗီဒိုတံခါး။ ဆွဲဖွင့်သည့်အရှိန်ဟာ ပြင်းလွန်းတာကြောင့် မြည်ဟီးသံမှာအချိန်ကြာသည်အထိ မပျောက်သွားပါ။ ဗီဒိုထဲတွင်ပုန်းနေသည့် ထိုကလေးငယ်လေးကတော့ မကောင်းဆိုးဝါးတစ်ကောင်ကို မြင်လိုက်ရသကဲ့သို့ မျက်လုံးဝိုင်းလေးတွေပြူးကျယ်သွားပြီး.. လက်အုပ်လေးချီကာ...
"ဂျောင်ကုကီ.. မှားသွားပါတယ်။ ဂျောင်ကုကီ ကိုမရိုက်ပါနဲ့နော်။ မှားသွားပါတယ်... မရိုက်ပါနဲ့နော်"
တုန်တုန်ယင်ယင်ဖြင့်တောင်းပန်နေရှာသည့်ထိုသနားစဖွယ်ကောင်လေးသည် တောင်းပန်နေသည့်ကြားမှ လည်ဂုတ်မှ ကြမ်းကြမ်းတမ်းတမ်းဆောင့်ဆွဲခံလိုက်ရကာ...
YOU ARE READING
My Sassy Ghost (✔)
Fanfiction(Unicode) သရဲလေးတစ်ကောင် ကောက်ရထားသည်။ Jeon Jung Kook 💜 Kim Seok Jin (Zawgyi) သရဲေလးတစ္ေကာင္ ေကာက္ရထားသည္။ Jeon Jung Kook 💜 Kim Seok Jin