بدات تفك اللصق وبعدها الابره وانا ابكي من كل قلبي وبابا وحمادي يسكتوني ..ماما بعيد تخاف من منظر الابر ...انتهينا مسكني يعدل لي حجابي ووقفت احس الدنيا تدور فيني استندت ع حمادي شوي شوي امشي
تقدم بابا وماما وانا وحمادي ف الخلف ..احس بيده ع خصري ...وبعدها صار ظهري ع صدره ويده محاوطه بطني ....قلبي طبوووولل من التوتر واحس الثواني دقايق متى اوصل بس...وصلنا للسياره وبعدها لبيت جدو استقبلونا والكل يتحمد لي بالسلامه ...طوال الوقت ماقدرت ارفع نظري له مستحيه ..وهذا شي غريب ...اربع سنوات من صرت تحت مسؤوليه حمادي رسميه وبعقد من المحكمه اليوم استحي منه ممكن ابتعادنا شهرين عن بعض...قارب اليوم ع الانتهاء وبدى الكل يرجع لبيته اقترب حمادي وجلس بجانبي
:نطلع
انصدمت :وين نروح ...وبعدين تعرف ماما وبابا ماراح يرضون .
ابتسم:طيب راح اسهر معك اليوم للفجر افلام وشغلكم انتم البنات
ابتسمت ونسيت ام الزعل بعد هل الابتسامه :بس اليوم تعبانه ..اعتقد من ارد البيت راح انام.
ابتسم بحزن:بعدك زعلانه مني...تتهربين
مسكت يده :والله لاا قسم...طيب تعال ونام معنا ف البيت ..اشتقت لك .
باس يدي بين يدينه :وانا بعد..اصبري اطلع رخصه سواقه وماراح اترك مكان الا واخذتك له .
ضحكت بتعب:انتظرك
بابا:عنتر وعبله يالله للبيت
ساعدني اوقف ومشينا للسياره ...ركبت وركب بجانبي
لف بابا ورفع حاجب:لوين اخ احمد
حمادي ببرود:معكم للبيت
:بنتنا تعبانه ..يوم ثاني
طبعا انا ساكته ولا تكلمت تعودت عليهم ....دخلت ماما وجلست قدام
:هلا حمادي اشتقنا لك
حمادي ضمني من كتفي ويرفع حاجب لبابا :وانا بعد ..بس عمي يطردني من السياره يقول مانبغاك
ماما:ماعليك من عمك ...البيت ماتسوى من غيرك
:عمي تسمع
بابا يشغل السياره :اذني بها شمع ما اسمع شي اليوم
ضحكت بتعب:هههههههههههه
باس حمادي راسي وسندت عليه
:جعلها دوووم الضحكه
:حبيبي بابا ما انحرم منكم
وصلنا البيت واخذ حمادي السياره راح للسوبر ماركت ياخذ اشياء لنا ...اخذت شاور ولبست بجامه وانتظرته بالصاله
تذكرت قبل اربع سنوات ملكتي انا وحمادي كنى ب14 سنه تعب بابا مره واضطر ياخذونه للمستشفى ..بذاك اليوم فكرت خلاص راح افقده مو انا وبس الكل ...الاطباء ابدا ما خففوا عنا بكلام وان حالته من اسواء لاسواء ...اذكر لمن دخلت غرفه المستشفى وكان جدو وجدتي وعمامي وماما وحمادي اللي مافارقني ...كنت بعيد بس اطالع ف بابا ودموعي بس تنزل فقدت الامل ان بابا يتعافى حسيت راح افقد جزء كبير من حياتي اهم عمود ف البيت ...طالعت ف ماما وهي تمسك يده ولا بيدها شي تسويه ...ماما وبابا كل واحد مكمل للثاني حبهم كبير لبعض ..لدرجه بعد ولادتي اصابت ماما بنزيف كبير وطلع لها كيس دهني بالرحم وكبر الكيس بسرعه وصار مثل الجنين الثاني وكان لازم تعمل عمليه ازال الكيس بس احتمال بنسبه كبيره ماراح تحمل من جديد ...رفضت العمليه بس بابا اصر وعملتها ...وكل يوم اشوف حبهم لبعض يزيد اكثر واكثر ...ع اصرار جدتي انه يتزوج يجيب ولد يشيل اسمه رد بابا تكفيني لاريديان ...انتبهت لبابا يناديني اقترب منه ..اقتربت مسح ع خدي
:كنت اتمنى اشوفك تتخرجين من احسن الجامعات وبعدها ازفك لاحمد وبعدها احمل اول حفيد لي
حضنت يده ع خدي ودموعي تنزل:جعل عمرك طويل .
لف لماما:دينا ما اوصيك صوري كل شي ...ولاتنسين تزوريني ..لاتقطعيني
ضربت ماما بخفيف ع صدره واخذنا بحضنه نبكي
:ماوصيكم عليهم ..ودي اروح وانا مطمن
جدي يمسح دموعه:ماعليك شر راح تحضر تخرجها وعرسها.
بابا بصوت كله عبره:احمد انت محرمهم انتبه للخالتك ولاري الا تزعلها
اقترب حمادي وباس راسه:ماتوصي حريص
:كان ودي اشوف عرسكم ب
قاطعه حمادي:مستعد املك عليها الحين ...وانت تعقد لي
انصدم الكل من حمادي
ابتسم بابا بتعب :موافق جبيوا الشيخ
الكل اعترض انه صغار وكيف
بابا بتعب:لاري بابا موافقه
هزيت راسي بايوه مستعده اسوي اي شي لبابا بهل اللحظه ....اصر بابا انه يملك لنا
:لاتصعبونها عليي ودي اتطمن بعد ما اروح ع مرتي وبنتي ...احمد الوحيد محرم لهم ..لاتحرموني من احضر ملكتها ونزلت دمعه بابا
اجا الشيخ وملك لنا وانا بقمه التوتر ...وصار حمادي حلالي ...ما انسى بعد الملكه لمن رجعت البيت افكر دخل غرفتي وبعد الحجاب وفك شعري يتامل وجهي وباس راسي
:وصرتي لي لاريديان حلالي
:وصرت لي بروحي
سافر بابا للعلاج وطول مايقارب سنه وحمادي عندنا ف البيت رجع بابا بصحه وعافيه ومن ذاك اليوم للان واحمد هو كل شي بالنسبه لي .
صحيت من سرحاني لمن دخل معه الاغراض اقتربت منه
:كثير من راح ياكله كل هذا...ماما راح تهاوشنا .
:يالله ماتفرق يوم عقاب
جهزنا كل شي النور قفلناه وابتداء الفلم اخذني بحضنه ...طوال الفلم ابدا ما انتبهت للقصه
بصوت خفيف باذني:ماخذ عقلك يتهنى به
لفيت عليه وجهي مره قريب عليه ...مسكني من خلف راسي وقربني وباسني بهدوووووء ...يمه قلبي ...راح يغم عليي ...رجع من جديد وباس فمي
انا بصوت متوتر:احس قلبي راح يوقف
ضحك وضمني بقوه:يالبى البراءه ...(حضن وجهي بكفوف يده وهمس)احبك واعشقك يشهد الله علي من فتحت اعيوني ما اشوف غيرك ...انتي متربعه ع عرش قلبي..احبك احبك احبك
تساند جبيني ع جبينه اخذ نفسه :وانا وش اقول ...اخاف اعبر لك وتنظلم و اقصر معك ف كلمه ...انا من كثر ما احبك اخاف افقدكـ (نزلت دمعه)والله ادعي كل يوم ربي يخليك اللي ...اخاف من كثر ما انا احبك نفترق...اخاف من غيره البنات وحسدهم لحبنا...اخاف تمل مني وتلفت لبنت ثانيه غيري...لاتبعد عني حمادي (بصوت مخنوق امسك بكائي) لاتبعد قلبي مايقوى ع بعد الله العالم شصار فيني هل الشهرين.
مسح دموعي:مشكلتك ماتعرفين قدرك عندي...ودي تدخلين قلبي وتشوفين كيف احبك ...انا من كثر ماخاف صرت اكبت انفعالات اخاف انتي تخافين مني ...منتي حاسه فيني انا وصلت لمرحله اخاف عليك من الهواء...اخاف عليك لمن تمرضين اتوتر اتعب لتعبك ... اخاف عليك من نفسي وكثر تحكمي فيك ...اخخخ ياقلبي.....لاريديان خلنا نكمل زواجنا.
أنت تقرأ
من مثلك
Romanceوعندما_نحب ؛ نحمل قلوب الاطفال بين اضلعنا.نغار.نٌسامح.نبكي شوقاً.وكلمة تٌرضينا.عندما نٌحب نحلم كثيراً ونرى المستحيل هين .! #مقتبس
